༄༅། སུད་­སི་­དང་­ལེཀ་­ཊེན་­སྤྲཡན་­བོད་­རིགས་­མི་­མང་­གི་­ས་­གནས་­བོད་­ཡིག་­སློབ་­གྲྭ།

དེ་­ཡང་­ང་­ཚོའི་­རྩ་­བའི་­འབྱུང་­ཁུངས་­སྙིང་­བསྡུས་­ཤིག་­མི་­རབས་­གསར་­པའི་­བོད་­རིགས་­ན་­གཞོན་­རྣམྶ་­ཀྱི་­མཁྱེན་­རྟོགས་­ཆེད་­སྔོན་­གླེང་­རོབ་­ཙམ་­ངེས་­པར་­དུ་­ཞུ་­དགོས་­པ་­ཡིན།  ང་­ཚོའི་­ཕ་­ཡུལ་­གངས་­ཅན་­བོད་­ཀྱི་­ཡུལ་­དེ་­མི་­ལོ་­ཉིས་­སྟོང་­བརྒལ་­བའི་­རིང་­ཆོས་­དང་­རིག་­གཞུང། སྐད་­ཡིག་­གོམ་­གཤིས་­སོགས་­རྒྱ་­ནག་­དང་­འདྲེས་­ལྷད་­མེད་­པ་­དང། 
བོད་­རྒྱལ་­ཁབ་­རང་­ཉིད་­ཀྱི་­ཁྲིམས་­ཡིག་­དང།  གཞུང་­དངུལ།  གཞུང་­དམག  རྒྱལ་­དར་­ལ་­སོགས་­པའི་­རང་­དབང་­རྒྱལ་­ཁབ་­ཅིག་­ཡིན་­པའི་­མཚོན་­རྟགས་­ཆ་­ཚང་­གསལ་­པོར་­ཡོད་­པ་­དང།  ལྷག་­པར་­རྒྱ་­ནག་­དང་­།  བལ་­ཡུལ།  དབྱིན་­ཇི་­སོགས་­ཁྱིམ་­མཚེས་­རྒྱལ་­ཁབ་­ཁག་­གི་­མཉམ་­དུ་­ས་­མཚམས་­རྩོད་­རྙོག་­སྐོར་­ཁྲིམས་­མཐུན་­ཆིངས་­ཡིག་­རིམ་­པར་­བཞག་­ཡོད་­པ་­སོཊ་­སྒོ་­གང་­ས་­ནས་­རང་­དབང་­རང་­བཙན་­གཙང་­མར་­སྤྱོད་­ཅིང་­གནས་­ཡོད་­པ་­བཅས་­ཡིན། དེ་­ལྟར་­ནའང་­ཁྱིམ་­མཚེས་­རྒྱལ་­ཁབ་­རྒྱ་­མི་­དམར་­པོས།   ༡༩༤༩  ལོ་­ནས་­བོད་­ཤར་­ཕྱོགས་­ཁམས་­དང།  ཨ་­མདོའི་­ས་­མཚམས་­ཁག་­ནས་­བཙན་­འཛུལ་­རིམ་­པར་­བྱས་­པ་­དང་­།   དེ་­ནས་­རྒྱ་­དམག་­འབུམ་­ཕྲག་­མང་­པོ་­བོད་­ཀྱི་­རྒྱལ་­ས་­ལྷ་­སར་­རིམ་­འབྱོར་­གྱིས་­བོད་­ཡུལ་­ཡོངས་­རྫོགས་­བཟའ་­རྔམས་­ཀྱིས་­བོད་­གཞུང་­གི་­ཆབ་­སྲིད་­འཕྲོག་­སེམས་­ངན་­བྱུས་­ལག་­ལེན་­བསྟར་­བ་­དང་­།  བོད་­མི་­ཡོངས་­ཀྱི་­བལྟ་­བའི་­མིག་­དང་­ཁོག་­པའི་­སྙིང་­རང་­སྲོག་­ལས་­གཅེས་­པར་­འཛིན་­པའི་­༸གོང་­ས་­༸སྐྱབས་­མགོན་­ཆེན་­པོ་­མཆོག་­གི་­༸སྐུ་­ཕྱྭར་­ཡང་­ཉེན་­ཚབས་­ཇེ་­ཆེར་­འགྲོ་­བཞིན་­པར་­བརྟེན།

༡༩༥༩  ཕྱི་­ཟླ་­  ༣  ཚེས་­  ༡༠  ཉིན་­བོད་­རྒྱ་­ཆེའི་­མི་­མང་­རྣམས་­ནས་­འུ་­ཐུག་­ཐབས་­ཟད་­ཀྱིས་­རང་­གི་­རྒྱལ་­ཁབ་­དང་­།  བསྟན་­སྲིད་­མི་­རིགས་­ཀྱི་­དོན་­དུ་­ལུས་­སྲོག་­ལོངས་­སྤྱོད་­ཡོངས་­རྫོགས་­བློས་­བཏང་­གིས་­དགྲ་­བོ་­རྒྱ་­དམར་­ལ་­ཞི་­བའི་­ངོ་­རྒོལ་­སྒེར་­ལངས་­ཀྱི་­ལས་­འགུལ་­བྱས་­པར་­ཡ་­ང་­སྙིང་­རྗེ་­སྤུ་­ཙམ་­མེད་­པར་­དྲག་­གནོན་­ཚབས་­ཆེ་­བྱས་­པ་­རེད། དྲག་­གནོན་­མ་­བྱས་­པའི་­ཉིན་­གསུམ་­ཙམ་­གྱི་­གོང་­དུ་­བོད་­མིའི་­འཕྲལ་­ཕུགས་­ཁེ་­ཉེན་­དུ་­མར་­དགོངས་­བཞེས་­ཀྱིས་­༸གོང་­ས་­༸སྐྱབས་­མགོན་­ཆེན་­པོ་­མཆོག་­༸སྐུ་­འཁོར་­ཧྲག་­བསྡུས་­ཉུས་­ཤས་­ཕོ་­བྲང་­ནས་­གསང་­བྲོས་­ཀྱིས་­རྒྱ་­གར་­དུ་­སྐྱབས་­བཅོལ་­ལ་­མི་­ཕེབས་­ཐེུད་­བྱུང་­བ་­བཅས་­རེད།
དེ་­ལྟ་­བུའི་­ཛ་­དྲག་­གནས་­ཚུལ་­གོ་­མཐོས་­བྱུང་­འཕྲལ་­བོད་­མི་­ཁྲི་­ཚོ་­བརྒྱད་­ལས་­བརྒལ་­བ་­རྒྱ་­བལ་­འབྲས་­འབྲུག་­ཁུལ་­སྐྱབས་­བཅོལ་­དུ་­འབྱོར་­བ་­རེད།  སྐབས་­དེར་­༸གོང་­ས་­༸སྐྱབས་­མགོན་­ཆེན་­པོ་­མཆོག་­ནས་­སྐྱབས་­བཅོལ་­མི་­མང་­གི་­འཐུས་­མི་­བསྡུ་­བསྐོངྶ་­དང་­འབྲེལ་­མང་­གཙོའི་­གཞུང་­གི་­སྒྲིག་­འཛུགས་­གསར་­བཏོད་­མཛད་­པ་­དང།  དགྲ་­བོའི་­བཙན་­འོག་­ཏུ་­ཡོད་­པའི་­གཞིས་­ལུས་­མི་­མང་­གི་­ཉིན་­མཚན་­འཁྱོལ་­ཐབས་­བྲལ་­བའི་­དཀའ་­སྡུག་­སེལ་­ཐབས་­དང།  ཕེབས་­རྗེས་­སུ་­བསྙེགྶ་­འབྱོར་­སྐྱབས་­བཅོལ་­བོད་­མི་­རྣམས་­ཀྱི་­འཕྲལ་­སེལ་­འཚོ་­ཐབས་­ལམ་­སྟོན།    མ་­འོངས་­བོད་­རང་­དབང་­རང་­བཙན་­མ་­ཐོབ་­བར་­ལ་­བོད་­མི་­རྣམས་­རང་­གི་­མི་­རིགས་­དང།  ཆོས་­དང་­རིག་­གཞུང་­།  སྐད་­ཡིག་­གོམས་­གཤིས་­སོགས་­མི་­ཉམས་­རྒྱུན་­འཛིན་­ཐུབ་­ཐབྶ་­ཆེད་­བོད་­མི་­ཁེ་­གཙང་­གཞིས་­ཆགས་­ཐུབ་­ཐབས།  བོད་­ཕྲུག་­ན་­གཞོན་­རྣམས་­ལ་­འཕྲོད་­བསྟེན་­གཅེས་­སྐྱོང་­དང་­དེང་­དུས་­ཕྱི་­ནང་­ཤེས་­ཡོན་­སློབ་­སྦྱོང་­སྤྲོད་­ཆེད་­བུ་­གསོ་­ཁང་­དང།  གཏན་­ཉིན་­སློབ་­གྲྭ་­གསར་­འཛུགས།  རིས་­མེད་­ཆོས་­ལུགས་­ཁག་­གི་­བསྟི་­གནས་­གསར་­བཟོ།  རྒན་­གཅོང་­ཉམས་­ཐག་­རྣམས་­ཀྱི་­ཆེད་­རྒས་­གསོ་­ཁང་­དང།  སྨན་­ཁང་­འཛུགས་­ཐབས་­སོགས་­གང་­ལ་­ཇི་­འོས་­ཀྱི་­གཟིགས་­སྐྱོང་­རོགས་­རམ་­བཀྲིན་­བསྐྱངས་­དང་­སྐྱོང་­བཞིན་­པའི་­ཁོངས་­བོད་­མི་­སྟོང་­ཕྲག་­གཅིག་­ཙམ་­སུད་­ཛ་­ལན་­ཊིར་­གཞིས་­ཆགས་­སུ་­ལེན་­ཐབས་­སུད་­སི་­གཞུང་­དང།  རྒྱ་­འགྲམ་­དམར་­པོར་­རེ་­བསྐུལ་­གནང་­བ་­ལྟར་­ཁས་­ལེན་­བྱུང་­སྟེ་­དེ་­ཁོངས་­མི་­འགྲོ་­རྣམས་­ཀྱང་­སྐབས་­དེ་­དུས་­ཀྱི་­ཉམས་­ཐག་­བོད་­མིའི་­ནང་­ནས་­ཀྱང་­ཆེས་­དཀའ་­ངལ་­ཅན་­རྒྱ་­གར་­ཀུ་­ལུ་­ལམ་­བཟོའི་­ལས་­ཀ་­ཁོ་­ནས་­འཚོ་­བ་­སྐྱེལ་­བཞིན་­པའི་­ངེད་­ཅག་­ལམ་­བཟོ་­བ་­སྟོང་­ཕྲག་­མང་­པོ་­ཡོད་­པའི་­ཁོངས་­ནས་­དམིགས་­བསལ་­གཟིགས་­སྐྱོང་­དགོངས་­བཞེས་­ཀྱིས་­བཀྲིན་­ཆེ་­བ་­ལྟར།

ཕྱི་­ལོ་­  ༡༩༦༠  ནས་­བཟུང་­ང་­ཚོ་­སུད་­ཛ་­ལན་­ཊིར་­ཚོ་­ཁག་­མང་­བཟོས་­ཀྱིས་­གཏོང་­གནང་­མཛད་­པ་­བཅས་­ཡིན།  ད་­ཆ་­སུད་­སིར་­བོད་­མི་­སྟོང་­ཚོ་­ཁ་­ཤས་­རིམ་­འབྱོར་­ཟིན་­བཞིན་­ཡོད།  ས་­གནས་­ཁག་­ནང་­རང་­རང་­འདོད་­བབས་­དང་­། འཇོན་­སྟངས་­ལ་­གཞིགས་­པའི་­ལས་­རིགས་­འདྲ་­མིན་­མང་­པོའི་­ཐོག་­འཚོ་­བ་­སྐྱེལ་­བ་­ཡིན།  སུད་­སི་­ཡུལ་­ལུང་­འདི་­བཞིན་­མི་­མང་­ལ་­རང་­དབང་­ཆེ་­ཞིང།  དཔལ་­འབྱོར་­ཡར་­རྒྱས་­ཅན་­གྱི་­རྒྱལ་­ཁབ་­ཅིག་­ཡིན་­པར་­སོང་­བོད་­མི་­རྣམས་­ཀྱང་­གནས་­སྟངས་­གང་­ལེགས་­ཐོག   བོད་­ཕྲུག་­རྣམས་­ཀྱང་­ཡུལ་­མི་­སྤྱི་­མཚུངས་­ཤེས་­ཡོན་­སློབ་­སྦྱོང་­གི་­གོ་­སྐབས་­སོགས་­དེང་­དུས་­ཀྱི་­མཐུན་­རྐྱེན་­ཚང་­འཛོམས་­མི་­སྨོན་­རང་­སྐྱིད་­ཀྱི་­ངང་­གནས་­བཞིན་­པ་­རེད།
འོན་­ཀྱང་­ང་­ཚོས་­སྒེར་­གྱི་­ལྟོ་­གོས་­འགྲིགས་­ཙམ་­ལ་­ཆོག་­ཤེས་­ཀྱིས་­སྡོད་­ཐབས་­ག་­ལ་­ཡོད།  ང་­ཚོའི་­རྩ་­བའི་­དམིགས་­ཡུལ་­བོད་­ལ་­རང་­དབང་­བདེ་­སྐྱིད་­འབྱུང་­ཐབས་­ལས་­འགན་­འགྲུབ་­རྒྱུར་­བསྡད་­ཡོད་­ལ།  དེའི་­ཆ་­རྐྱེན་­གཙོ་­བོ་­མི་­རིགས་­རང་­ཉིད་­ཀྱི་­སྐད་­ཡིག་­རིག་­གཞུང་­མི་­ཉམས་­རྒྱུན་­འཛིན་­ཐུབ་­ཐབས་­བྱ་­རྒྱུ་­གལ་­ཆེར་­སོང་­།  ༸གོང་­ས་­༸སྐྱབས་­མགོན་­ཆེན་­པོ་­མཆོག་­གི་­བཀའ་­སློབ་­ལམ་­སྟོན་­རིམ་­པ་­སྤྱི་­ཕེབས་­དགོངས་­དོན་­ལྟར།  ང་­ཚོས་­དུས་­ཚོད་­འདང་­མིན་­སོགས་­སྒེར་­གྱི་­དཀའ་­ངལ་­ཆུང་­རྩག་­ལ་­འཛེམས་­ནས་­སྤྱི་­དོན་­གལ་­ཆེ་­སྤྱི་­ཟོམ་­ལྷོད་­ཡངས་­སུ་­ལུས་­ན།  གཞོན་­ནུ་­ཚོའི་­དུས་­ཚོད་­བཟང་­པོ་­འཕྲོ་­བརླག་­ཏུ་­འགྲོ་­རྒྱུར་­བརྟེན།  སྐད་­ཡིག་­སློབ་­སྦྱོང་­སྤྲོད་­རྒྱུར་­ལས་­འགུལ་­འཕྲལ་­དུ་­ལག་­ལེན་­འཁེལ་­ཐུབ་­པ་­བྱ་­གལ་­ཆེ་­ཞིང།   འདི་­ཁུལ་­བོད་­རིཊ་­རྣམས་­ས་­གནས་­ཁག་­མང་­པོར་­ཁ་­འཐོར་­གནས་­སྡོད་­བྱས་­པར་­སོང་­།  རྒྱ་­གར་­ནང་­ཡོད་­པའི་­བོད་­མི་­ནང་­བཞིན་­བོད་­ཕྲུག་­ཁ་­གཙང་­གཏན་­ཉིན་­སློབ་­གྲྭ་­ཟུར་­འཛུགས་­ཐུབ་­ཐབྶ་­མེད་­ཀྱང་­རང་­རང་­གནས་­ཡུལ་­སོ་­སོར་­བོད་­ཕྲུག་­ཚོ་­སུད་­སི་­ཡུལ་­མིའི་­སློབ་­གྲྭའི་­ནང་­སློབ་­སྦྱོང་­དུ་­འགྲོ་­རྒྱུར་­འཐུས་­ཤོར་­མེད་­པའི་­ཐོག་­དུས་­ཚོད་­བར་­སེང་­ཡོད་­སྐབས་­སུ་­ལས་­ཞོར་­སློབ་­སྦྱོང་­ལྟ་­བུའི་­བོད་­ཡིག་­སློབ་­གྲྭ་­རེ་­ཟུར་­འཛུགས་­ཐུབ་­ན་­འཕྲལ་­སེལ་­དེ་­རང་­ཕན་­ཐོགས་­ཆེ་­ཤོས་­ཡོང་­རྒྱུ་­ཡིན་­པ་­བཅས་­བརྟེན་­ས་­གནས་­ཁག་­ཏུ་­སློབ་­གྲྭ་­འགོ་­འཛུགས་­ཞུས། 

དེ་­ནས་­རིམ་­བཞིན་­མི་­འབོར་­འཕེལ་­རྒྱས་­དང་­འབྲེལ་­ད་­མཚམས་­སུད་­སི་­ས་­ཁུལ་­ཁག་­བཅུ་­བཞི་­ནང་­ས་­གནས་­བོད་­ཡིག་­སློབ་­གྲྭ་­དངོས་­སུ་­ཚུགས་­ནསསློབ་­སྦྱོང་­སྤྲོད་­བཞིན་­ཡོད།  དེང་­སྐབས་­རྩ་­བའི་­ས་­གནས་­སོ་­སོར་­དགེ་­ལས་­ཕ་­མ་­རྣམས་­ནས་­རང་­དོན་­རང་­གཅེས་­ཀྱི་­འགན་­འཁུར་­གནང་­བ་­དང།  ཕྱོགས་­གཞན་­ཞིག་­ནས་­ས་­གནས་­འཐུས་­ཚོགས་­ཀྱིས་­དམིགས་­བསལ་­བོད་­ཡིག་­སློབ་­གྲྭའི་­སྤྱི་­ཁྱབ་­འགན་­འཛིན་­བསྐོ་­གཞག་­གནང་­ནས་­སྤྱི་­དོན་­གལ་­ཆེ་­དང།  བོད་­མི་­རང་­ཉིད་­ཀྱི་­སྐད་­ཡིག་­མི་­རབས་­གསར་­པ་­བོད་­ཀྱི་­སོན་­རྩ་­རྣམས་­ལ་­མི་­ཉམས་­རྒྱུན་­འཛིན་­ཉམས་­པ་­སླར་­གསོ་­ཞུ་­བཞིན་­ཡོད་­པ་­བཅས་­ཀྱི་­ངོ་­སྤྲོད་­གནས་­ཚུལ།   བོད་­རྒྱལ་­ལོ་­  ༢༡༣༧ རབ་­གནས་­ལྕགས་­སྟག་­ལོའི་­དབྱུག་­ཟླ་­བའི་­ཚེས་­  ༣  དང་­ཕྱི་­ལོ་­  ༢༠༡༠  ཕྱི་­ཟླ་­  ༡༠  ཚེས་­  ༡༠  ཉིན་­བཟང་­པོར།།   །།