གསར་འགྱུར་གསར་པ།

མཛད་རིམ་གྱི་ཐོག་མར་སུད་སི་དང་ལེག་ཏེན་སིཊ་ཡན་བོད་རིགས་མི་མང་སྒྲིག་འཛུགས་ཀྱི་ཚོགད་གཙོ་དང་ལས་འགུལ་གོ་སྒྲིག་པ་སྐར་མ་ཆོས་སྐྱིད་ལགས་ནས་དུས་དྲན་ངོ་སྤྲོད་དང་འབྲེལ་གསུངས་དོན་ད་རེེས་ཡུག་ཀེ་རན་ལ་ཨུ་རུ་སུས་བཙན་འཛུལ་བྱས་ནས་ཡུལ་མི་ས་ཡ་གཅིག་ལྷག་བྲོས་བྱོལ་དུ་འགྲོ་བཞིན་པའི་ཡ་ང་བའི་གནས་སྟངས་གཅིག་མཚུངས་དེ་ལོ་ངོ་༦༣སྔོན་ང་ཚོའི་ཕ་ཡུལ་བོད་ནང་བྱུང་མྱོང་རེད། སྐབས་དེར་ང་ཚོའི་ཕ་མེས་ཡང་མེས་ཚོས་དཀའ་སྡུག་འདི་འདྲ་གཅིག་མཚུངས་མྱང་རེད།

དེ་རིང་ཕྱི་ལོ་ ༢༠༢༡ ཟླ། ༡༡ ཚེས། ༢༡ རེས་གཟའ་ཉི་མའི་ཉིན་ལིག་ཏེན་སིཊཡན་རྒྱལ་ཁབ་ཆུང་ངུ་དེའི་ནང་ཡོད་པའི་ས་གནས་བོད་སློབ་ཏུ་བལྟ་སྐོར་ཆེད་བསྐྱོད་པ་ཡིན། དེ་གའི་ས་གནས་བོད་སློབ་ཏུ་རེས་གཟའ་ཉི་མའི་ཞོགས་པ་ཕྱག་ཚོད་དགུ་པ་ནས་ཕྱག་ཚོད་བཅུ་གཅིག་བར་བོད་ཡིག་འཛིན་གྲྭ་ཚོགས་བཞིན་འདུག སློབ་ཕྲུག་ལོ་དྲུག་ནས་བཅུ་གསུམ་ཙམ་གྱི་བར་ཡིན་པ་ཁྱོན་བསྡོམས་སློབ་ཕྲུག་དགུ་འདུག