སུད་­སི་­བོད་­རིག་­མི་­མང་­གསར་­འཕྲིན་­དྲ་­རྒྱ།

སུད་­སི་­དང་­ལེཀ་­ཊེན་­སྤྲཡན་­བོད་­རིགས་­མི་­མང་­གི་­གསར་­འཕྲིན་­འདི་­བཞིན། སུད་­སི་­བོད་­རིགས་­མི་­མང་­གི་­གསར་­འཕྲིན་­རྩོམ་­སྒྲིག་­ཚོགས་­ཆུང་­ནས་­ལོ་­རེར་­ཐེངས་­བཞི་­འདོན་­སྤེལ་­ཞུ་­ཐབས་­བྱ་­གི་­ཡོད། གསར་­འཕྲིན་­དྲ་­རྒྱའི་­དམིཊ་­ཡུལ་­གཙོ་­བོ་­ནི། བོད་­མི་­རིགས་­ཀྱི་­སྐད་­ཡིག་­མི་­ཉམས་­རྒྱུན་­འཛིན་­དང་­བཅས་­དར་­ཁྱབ་­གཅེས་­སྲུང་­ཐུབ་­ཐབས་­མ་­ཟད། བོད་­ཡིག་­བཀོལ་­སྤྱོད་­བྱེད་­པའི་­སྡིངས་­ཆ་­གལ་­ཆེ་­ཞིག་­ཀྱང་­ཡིན།
དེ་­བཞིན་­སུད་­སི་­དང་­ལེཀ་­ཊེན་­སྤྲཡན་­བོད་­རིགས་­མི་­མང་­འཐུས་­ཚོགས་­ནང་­བགྲོ་­གླེང་­ཐག་­གཅོད་­ཅི་­བྱུང་­གི་­ཚིག་­ཐོ་­དང། མི་­མང་­གིས་­བོད་­ཀྱི་­རྩ་­དོན་­དང་­འབྲེལ་­བའི་­ལས་­འགུལ་­བརྩམས་­རིགས་­བཅས་­ཡུལ་­གྲུ་­གཞན་­དུ་­བཅའ་­བཞུགས་­བོད་­རིགས་­སྤུན་­ཟླ་­རྣམ་­པས་­མཁྱེན་­རྟོགས་­ཆེད་­དུ་­ཡིན་­ལ། ༸གོང་­ས་­མཆོག་­གི་­བཀའ་­སློབ་­དང། བཙན་­བྱོལ་­བོད་­གཞུང་­གི་­གལ་­ཆེའི་­གསལ་­བསྒྲགས་­ཀྱང་­གང་­ཐུབ་­འདོན་­སྤེལ་­ཞུ་­གི་­ཡོད།
ཕྱོགས་­མཚུངས་­བོད་­ཀྱི་­ཐོུང་­མ་­ཡིན་­པའི་­ཆོས་­དང། རིག་­གཞུང། རྒྱལ་­རབས་­སོགས་­འབྲི་­རྩོམ་­དང་­། ཁྱད་­མཁས་­མི་­སྣ་­གདན་­ཞུས་­ཀྱིས་­ཟབ་­སྦྱོང་­བགྲོ་­གླེང་­བརྒྱུད་­མང་­ཚོགས་­ལ་­གོང་­གསལ་­དོན་­གནད་­ཐོག་­ངོ་­སྤྲོད་­བློ་­གྲོས་­སྤེལ་­ཐབས་­ཞུ་­རྒྱུ། ལྷག་­པར་­བོད་­མི་­རིགས་­ཀྱི་­ད་­ལྟ་­དང་­མ་­འོངས་­པའི་­ཁེ་­ཕན་­ཁོ་­ནའི་­ཆེད་­༸སྤྱི་­ནོར་­༸གོང་­ས་­༸སྐྱབས་­མགོན་­ཆེན་­པོའི་­རླབས་­ཆེན་­གྱི་­དགོངས་­གཞི་­མང་­གཙོའི་­ལམ་­སྲོལ་­གོ་­རྟོཊ་­གོང་­སྤེལ་­ཆེད་­བསམ་­ཚུལ་­བརྗེ་­ལེན་­གྱི་­གླེང་­སྟེགས་­ཤིག་­ཏུ་­འགྱུར་­ཐབས་­བྱ་­རྒྱུ་­བཅས་­ཡིན་­ན་­གསར་­འཕྲིན་­དྲྭ་­རྒྱའི་­སྐོར་­ལག་­བསྟར་­ཐུབ་­པའི་­ལེགས་­སྤེལ་­ཉེས་­འགོག་­གི་­དགོངས་­འཆར་­ལྷུག་­པོ་­གནང་­བའི་­རེ་­བ་­ཡོད།

དྲྭ་­རྒྱའི་­དམིགས་­ཡུལ།

ཕྱི་­ལོ་­ ༢༠༠༢ ལོའི་­སྐབས་­བཅིུག་­པའི་­འཐུས་­མིའི་­ལྷན་­ཚོགས་­ནས་­དགོངས་­པ་­ཆེ་­བཞེས་­ཐོག །སུད་­སི་­དང་­ལེཀ་­ཊེན་­སྤྲཡན་­བོད་­རིགས་­མི་­མང་­གི་­ལོ་­རྒྱུས་­དང་­སྒྲིག་­གཞི། ལས་­བསྐུལ་­སོགས་­དང་­དེ་­བཞིན་­བོད་­དོན་­གྱི་­གསར་­འགྱུར་­མྱུར་­རྟོགས་­སླད། ཡང་­སྒོས་­འགྲོ་­བ་­སེམས་­ཅན་­ཡོངས་­དང་­། ལྷག་­པར་­དུ་­རང་­རིགས་­མི་­མང་­རྣམས་­ལ་­བཀྲིན་­བླ་­མེད་­དུ་­ཆེ་­བ་­༸སྤྱི་­ནོར་­༸གོང་­ས་­༸སྐྱབས་­མགོན་­རིན་­པོ་­ཆེ་­མཆོག་­སྐུ་­འཕྲེང་­རིམ་­བྱོན་­གྱི་­མཛད་­རྣམ་­སྙིང་­བསྡུས། སློབ་­དཔོན་­འཕགས་­པ་­ཀླུ་­གྲུབ་­ལ་­སོགས་­པའི་­སློབ་­དཔོན་­བཀྲིན་­ཅན་­རྒྱན་­དྲུག་­མཆོག་­གཉིས་­ཀྱི་­མཛད་­རྣམ། གཞན་­ཡང་­དུས་­ཆེན་­ཁག་­གི་­ངོ་­སྤྲོད་­རག་­བསྡུས་­བཅས་­ལ་­སོགས་­མཁྱེན་­རྟོགས་­སླད། རྒྱལ་­སྤྱིའི་­དྲྭ་­རྒྱ་­༼ཨིན་­ཊར་­ནེཊ་­ནང་­རང་­རེའི་­ཧོམ་­པེཇ་­ཞིག༽ཕྱི་­ལོ་­ ༢༠༠༢ ལོའི་­མང་­གཙོའི་­དུས་­དྲན་­ཉིན་­ནས་­བོད་­ཡིག་­ཐོག་­དང་­།

ཕྱི་­ལོ་­ ༢༠༠༥ ལོའི་­མང་­གཙོའི་­དུས་­དྲན་­ཉིན་­ནས་­ལྗར་­སྐད་­ཐོག ཕྱི་­ལོ་­ ༢༠༡༠ ཟླ་­བ ༡༢ ཚེས་­ ༡༠ ཉིན་­འཛམ་­གླིང་­འགྲོ་­བ་­མིའི་­ཐོབ་­ཐང་­གི་­ཉིན་­མོ་­དང་­དམིགས་­བསལ་­གྱི་­བོད་­ཀྱི་­བླ་­ན་­མེད་­པའི་­དབུ་­འཁྲིད་­༸སྤྱི་­ནོར་­༸གོང་­ས་­༸སྐྱབས་­མགོན་­སྐུ་­འཕྲེང་­བཅུ་­བཞི་­པ་­ཆེན་­པོ་­མཆོག་­འཛམ་­གླིང་­ཞི་­བདེའི་­གཟེངས་­རྟགས་­འབུལ་­བཞེས་­མཛད་­པའི་­ཉིན་­མོ་­ཁྱད་­པར་­ཅན་­འདི་­ཡི་­ཉིན་­དགའ་­དད་­སྤྲོ་­གསུམ་­གྱི་­སྒོ་­ནས་­སྐུ་­ཚེ་­ཁྲི་­ལོར་­བརྟན་­པའི་­སྨོན་­འདུན་­ཞུ་­བ་­དང་­ཆབས་­ཅིག་­དབྱིན་­སྐད་­ཐོག་­དང་­རྒྱལ་­སྤྱིའི་­གཅིག་­གྱུར་­ཨང་­སྒྲིག་­(Unicode)བོད་­ཡིག་­ཡིག་­གཟུགས་­བཅས་­སྐད་­རིགས་­གསུམ་­ལྡན་­གྱི་­དྲྭ་­རྒྱ་­གསར་­བསྐྲུན་­ཞུས་­པས་­གལ་­ཆེ་­དོན་­ཆེ་­ལ་­གཟིགས་­ནས་­སུད་­སི་­དང་­ལེགས་­ཊེན་­སྤྲཡན་­བོད་­རིགས་­མང་­ཚོགས་­གཙོས་­་­དབུ་­འབྱེད་­ཞུས་­ཡོད་­ན་­དེ་­དོན་­ཐུགས་­སྣང་­དགྱེས་­གཟིགས་­ཡོད་­པ་­ཞུ།།