ཨར་གྷའོ་ཚོགས་ཆུང་ནས་མཆོད་འབུལ་འཚོགས།

༢༠༡༤  ཕྱི་ཟླ་  ༠༢  ཚེས་  ༡༦  ཉིན་ཉིན་གུང་ཚོུད་ ༡༣ ནས་ ཕྱི་དྲོའི་ཆུ་ཚོད་ ༡༨ བར་ས་གནས་ཨར་གྷའོ་ཚོགས་ཆུང་ནས་ཚོགས་མི་༥༠ ལྷག་འདུ་འཛོམས་ཀྱིས་ཚོགས་ཆུང་གི་མི་མང་ཚོགས་འདུ་སྐོང་འཚོགས་བྱས་པ་དང་ཆབས་ཅིག  འཛམ་གླིང་སྐྱེ་འགྲོ་ཡོངས་ཀྱི་འདྲེན་མཆོག་བླ་ན་མེད་པ་༸གོང་ས་༸སྐྱབས་མགོན་༸རྒྱལ་དབང་སྐུ་ཕྲེང་བཅུ་བཞི་པ་ཆེན་པོ་མཆོག་གིས་དབུས་རིས་མེད་སྐྱེས་ཆེན་དམ་པ་འཚོ་བཞུགས་རྣམས་སྐུ་ཚེ་བསྐལ་བརྒྱར་བརྟན་ཅིང་།  རླབས་ཆེན་ཐུགས་བཞེད་མཛད་འཕྲིན་ཐ་དག་གེགས་མེད་ལྷུན་གྱིས་འགྲུབ་པ།  དེ་བཞིན་བོད་ཀྱི་རྩ་དོན་ཆེད་སྐུ་སྲོག་ཕུལ་བའི་རྒྱལ་གཅེས་སྙིང་སྟོབས་ཕུལ་བྱུང་སྤུན་ཟླ་དཔའ་བོ་དཔའ་མོ་རྣམས་ཀྱི་བཀྲིན་རྗེས་དྲན་དང་གདུང་སེམས་མཉམ་སྐྱེད་ཀྱི་བསྔོ་མཆོད་འབུལ་གཟབ་རྒྱས་ཞུས་པ་བཅས་ས་འཐུས་བསྟན་འཛིན་སྙིང་པོ།