གདུང་སེམས་མཉམ་སྐྱེའི་མཆོད་འབུལ་སྨོན་ལམ་ཞུ་རྒྱུ།

ཕྱི་ཟླ་  ༡༢  ཚེས་ ༢༠  ཉིན་ཟླ་རེའི་འཐུས་ཚོགས་སུ་བཀའ་བསྡུར་བྱུང་དོན་ཕྱི་ཟླ་  ༡༢  ཚེས་  ༢༨  རེས་གཟའ་ཉིན་མ་ཉིན་རི་ཀོན་ཆོས་འཁོར་དགོན་དུ་ཞོགས་པ་ཚོུད་  ༩་་༣༠  ནས་ཉིན་གུང་བར་བསྔོ་སྨོན་མཆོད་འབུལ་ཞུ་རྒྱུ་ཡིན།  དེ་ཡང་། ༢༠༠༩ ཟླ་ ༢ ཚེས་ ༢༧ ཉིན་དགེ་འདུན་པ་བཀྲ་བྷེ་ལགས་ཀྱིས་འགོ་འཛུགས་ཀྱིས་ད་བར་གཞིས་ལུས་བོད་མི་ཁྱོན་མི་གྲངས་ ༡༣༣ ནས་བོད་བསྟན་སྲིད་དང་བོད་མི་རིགས་ཆེད་རང་ལུས་མེར་སྲེག་བཏང་སྟེ། རྒྱ་གཞུང་ལ་ཞི་རྒོལ་གནང་ཡོད་པའི་ཁྲོད་ནས་བོད་མི་གྲངས་ ༡༡༤ འདས་གྲོངས་སུ་གྱུར་ཡོད། དེ་བཞིན་མང་པོ་ཞིག་རྒྱ་ནག་གཞུང་གིས་འཛིན་བཟུང་འོག་ཡོད་པ་དེ་དག་ཉིན་མཚན་འཁྱོལ་དཀའ་བའི་དཀའ་སྡུག་ནས་མྱུར་དུ་གྲོལ་བའི་ཐུགས་སྨོན་གནང་རྒྱུ་དང་། ལྷག་པར་ཁོང་རྣམ་པའི་རེ་འདོད་མཐའ་དག་སྒྲུབ་ཐུབ་རྒྱུར་ཚང་མས་ཐུགས་སྨོན་དང་། དེ་དེ་བཞིན་གྱི་ཐོག་ནས་བོད་དོན་བདེན་མཐའ་མྱུར་དུ་གསལ་བའི་ཚང་མས་སྨོན་འདུན་ཤུགས་དྲག་གནང་རོགས་ཞུ་རྒྱུ་ཡིན། ཞེས་གསུང་བཤད་གནང་ཡོད།  །ཕྱི་ལོ་ ༢༠༡༤ ཟླ་ ༡༢ ཚེས་ ༡༦ ཉིན་བོད་ནང་གི་སྔ་དྲོའི་ཆུ་ཚོད་ ༩ ཙམ་ལ་བོད་མདོ་སྨད་ཨ་མདོ་ཀན་ལྷོ་ཁུལ་བླ་བྲང་བསང་ཆུ་རྫོང་ཨ་མཆོག་ཁྱུང་རུ་ཐང་ཡུལ་ཚོའི་ཕ་དབང་ལོ་ལགས་དང་། མ་གཡུ་སྒྲོན་ལགས་གཉིས་ཀྱི་བུ་རང་ལོ་ ༣༤ ཡིན་པ་སངས་རྒྱས་མཁར་ལགས་ཀྱི་བླ་བྲང་བསང་ཆུ་རྫོང་ཨ་མཆོག་ཤང་གི་ཉེན་རྟོག་ལས་ཁང་གི་སྒོ་ཁར། རྒྱ་ནག་གཞུང་ལ་ཞི་རྒོལ་ཆེད་རང་ལུས་མེར་སྲེག་བཏང་སྟེ་འདས་གྲོངས་སུ་གྱུར་བའི་ཡིད་སྐྱོའི་གནས་ཚུལ་ཐོན་ཡོད། རང་ལུས་མེར་སྲེག་གི་ཞི་རྒོལ་བྱུང་རྗེས་ཉེན་རྟོག་པ་མང་པོ་འཕྲལ་མར་འབྱོར་ཏེ་ས་གནས་སུ་དམ་བསྒྲགས་བྱེད་འགོ་བཙུགས་པ་མ་ཟད། རང་ལུས་མེར་སྲེག་བཏང་པའི་བོད་མི་སངས་རྒྱས་མཁར་ལགས་ཀྱི་ཕུང་པོ་བཙན་འཕྲོག་བྱས་ཏེ་དུས་ད་ལྟའང་ཕུང་པོ་ཚུར་རག་ཡོད་མེད་གནས་ཚུལ་གསལ་པོ་མེད་པ་བཅས་ཀྱི་གནས་ཚུལ་འདུག་པར་སོང་མང་ཚོགས་གང་མང་ཕེབས་ཐབས་ཡོང་བ་ཞུ་རྒྱུའི་གསལ་བསྒྲགས་སུ།  སྐབས་བཅོ་ལྔ་པའི་འཐུས་ཚོགས་ནས།  ༢༠༡༤  ཕྱི་ཟླ་ ༡༢ ཚེས་  ༢༡  ཉིན་ཕུལ།།