༢༠༡༡ ལོའི་སུད་སི་ས་གནས་ཚོགས་ཆུང་ཧོར་གྷན་བོད་རིགས་མི་མང་གི་འདི་ལོའི་ དབྱར་སྐྱིད་ཉིན་གཉིས་གཏང་གནང་བ།

ཧོར་གྷན་བོད་རིགས་མི་མང་གི་འདི་ལོའི་དབྱར་སྐྱིད་དེ་ཟླ་བ་ ༨ ཚེས་ ༢༠/༢༡བཅས་ཉིན་གཉིས་རིང་གཏོང་གནང་ཡོད་པ་རེད། ཉིན་དང་པོ་རེས་གཟའ་ཉི་མའི་ཉིན་སུད་སི་ས་གནས་ཁག་ ༡༢ ལྷག་ནས་རྐང་རྩེད་པོ་ལོའི་འགྲན་སྡུར་གནང་ཡོད་པ་དང་།མཐའ་མའི་རྒྱལ་ཁ་དེ་སྔར་ལོ་བཞིན་ཆོལ་གསུམ་རུ་ཁག་ལ་ཐོབ་ཡོད་པ་དང་། དགོང་དྲོའི་མཛད་རིམ་སྐབས་ས་གནས་ཚོགས་ཆུང་གི་ཟློས་གར་དང་བོད་ཡིག་སློབ་གྲྭའི་སློབ་ཕྲུག་ཁག་དེ་བཞིན་རང་མོས་གསུང་གཞས་ཁག་བཅས་ནས་རིམ་བཞིན་བོད་གཞས་དང་རྒྱ་གར་གྱི་གཞས་བཅས་གཏང་ནས་མི་མང་རྣམས་དགའ་སྐྱིད་མཉམ་འཛོམས་གནང་ཡོད་པ་རེད།ས་གནས་ཧོར་གྷན་ཚོགས་ཆུང་གྱི་ལོ་གཅིག་ནང་བོད་ཀྱི་ལོ་གསར་དང་དབྱར་སྐྱིད་གཉིས་ལོ་མང་ནས་གཏོང་སྲོལ་ཡོད་པ་དང་དེ་ཡང་ཚོགས་ཆུང་ནང་ཡོད་བོད་རིགས་མི་མང་མཉམ་མཐུན་ཡོང་ཆེད་དང་སྔ་དགོང་གསོལ་ཚིག་སོགས་སྤུས་འཚོང་ཞུས་ནས་ཚོགས་ཆུང་གི་དཔལ་འབྱོར་འདུ་འགོད་གནང་ནས་བོད་རིགས་ན་གཞོན་རྣམས་ལ་བོད་ཡིག་སློབ་གྲྭ་དང་བོད་སྐད་ བོད་ཀྱི་རིགས་གཞུང་གཞས་སྣ་འདྲ་མིན་སོགས་ཀྱི་སློབ་སྦྱོངས་སྤྲད་ནས་བོད་མི་རིགས་ཀྱི་གོམས་གཤིས་བཟང་པོ་མི་ཉམས་རྒྱུན་འཛིན་ཆེད་འགྲོ་གྲོན་གཏང་གནང་གི་ཡོད་པ་རེད།ཉིན་གཉིས་པ་རེེས་གཟའ་སྤེན་པའི་ཉིན་ལག་སྤོལ་འགྲན་འདུར་གནང་པ་བཅས་ཀྱི་གནས་བསྡུས་སུ། འདྲ་པར་་