ཡུ་རོབ་ནང་ཁྲིམས་ཀྱི་གནས་བབས་ལ་འགྱུར་བ་ཕྱིན་པར་བརྟེན་བོད་མི་སྐྱབས་བཅོལ་ཞུ་མཁན་བརྒྱ་ཕྲག་མང་པོར་དཀའ་སྡུག་ཆེན་པོ་འཕྲད་དང་འཕྲད་བཞིན་པ་རེད

ཡུ་རོབ་ཡུལ་གྲུ་སྦེལ་ཇི་ཡེམ་དང་སུ་རྫར་ལན་ཌའི་ནང་ཁྲིམས་ལུགས་ཀྱི་གནས་སྟངས་ལ་འགྱུར་བ་ཕྱིན་པར་བརྟེན་བོད་མི་སྐྱབས་བཅོལ་ཞུ་མཁན་ཚོའི་གནས་བབས་དེང་སང་ཇེ་སྡུག་ཏུ་འགྲོ་བཞིན་ཡོད་པས་བོད་མི་སུ་ཞིག་ཡུ་རོབ་ལ་མ་ཐོན་གོང་རྒྱལ་ཁབ་ཀྱི་ཁྲིམས་ལུགས་ཀྱི་གནས་སྟངས་ཇི་མ་ཇི་བཞིན་ཤེས་རྟོག་ཐར་ཕྱིན་པ་མ་བྱས་ན་ཡུ་རོབ་ཡུལ་གྲུ་ཞིག་ལ་འབྱོར་དུས་བསམ་ཡུལ་ལས་འདས་པའི་དཀའ་ངལ་འཕྲད་པའི་སེམས་འཚབ་ཆེན་པོ་འདུག་ཅེས་ཡུ་རོབ་སྤྱི་འཐུས་བཀྲས་མཐོང་དབང་པོ་དང་ཐུབ་བསྟན་དབང་ཆེན་གཉིས་ཀྱིས་གསུངས་ཀྱིས།

ཉེ་འཆར་སུད་སིའི་འཛིན་སྐྱོང་དང་འབྲེལ་བའི་ཁྲིམས་ཁང་མཐོ་ཤོས་ཀྱིས་བོད་མི་སྐྱབས་བཅོལ་ཞུ་མཁན་ལ་གཞི་རྩའི་ཁྲིམས་གཅོད་བྱེད་ཕྱོགས་སྐོར་ཐག་གཅོད་གནང་བ་དེས་བོད་མི་སྐྱབས་བཅོལ་ཞུ་མཁན་གྱི་གནས་བབས་ཆེས་སྡུག་ཏུ་ཕྱིན་འདུག།   ༢༠༡༤་ ཟླ་༥    ཚེས་༢༠ ཉིན་ངོས་འཛིན་ལག་འཁྱེར་མེད་པ་དང་། སྐད་སྒྲ་དང་ཤོད་སྟངས་ལ་ཞིབ་འཇུག་བྱེད་དུས་བོད་ཀྱི་ཕྱི་ལོགས་ལ་འཚར་ལོངས་བྱས་པའི་རྟགས་མཚན་གསལ་པོ་ཡོད་པའི་སྐྱབས་བཅོལ་ཞུ་མཁན་བོད་པའི་མི་རིགས་ཞིག་ལ་༡༩༥༡  ལོར་མཉམ་སྤྲེལ་རྒྱལ་ཚོགས་ཀྱིས་གཏན་འབེབས་གནང་བའི་སྐྱབས་བཅོལ་གྱི་གནས་བབས་ཀྱི་མཐུན་གྲོས༼Convention on the Status of Refugees༽༡ གཞིར་བཟུང་གི་སྐྱབས་བཅོལ་ངོས་ལེན་ཞུ་ཐུབ་དང་ཞུ་མི་ཐུབ་པའི་ཐག་གཅོད་གནང་དུས་ཁྲིམས་ཁང་དེས་ཁོ་པའི་སྐྱབས་བཅོལ་སྙན་ཞུ་དེར་གནང་བ་མ་གནང་ནས་ཁོ་པ་སྐྱབས་བཅོལ་བར་ཁས་མ་བླང་པའི་ཐོག་སུད་སིར་ཁྲིམས་མཐུན་ངང་བཅའ་སྡོད་ཆོག་པའི་ཐོབ་ཐང་མི་སྤྲོད་པའི་ཐག་གཅོད་གནང་འདུག་༼༢༽
དེ་བཞིན་སྦེལ་ཇི་ཡེམ་གྱི་སྐྱབས་བཅོལ་དང་རྒྱལ་ཁབ་མེད་པའི་མི་སྣའི་བློན་ཆེན་གྱིས་ཀྱང་༢༠༡༤ལོ་འགོ་ནས་བཟུང་༼Refusal of Recognition of Refugee Status and Refusal to Grant Subsidiary Protection Status༽སྐྱབས་བཅོལ་གྱི་གནས་བབས་དང་། དེའི་རིམ་པ་འོག་མའི་༼ཁ་སྐོང་གི༽སྲུང་སྐྱོབ་ཁས་ལེན་མི་བྱ་བའི་གཏན་འབེབས་ཐག་གཅོད་ཐེང་ཁ་ཤས་སྤེལ་འགྲེམས་གནང་འདུག།

སྦེལ་ཇི་ཡེམ་གཞུང་གི་འབྲེལ་ཡོད་མི་སྣས་ཆེད་དམིགས་ཀྱིས་གསུངས་ཡག་ལ་རྒྱ་གར་ལ་བཅའ་སྡོད་ཀྱི་བོད་མི་ཚོར་ངོས་འཛིན་ལག་འཁྱེར་ཐོབ་ཐང་ཡོད་པ་དང་།      རྒྱ་གར་གཞུང་གིས་བོད་དམ་རྒྱ་ནག་གང་རུང་ལ་ཕྱིར་སློག་མི་གནང་བ་སོགས་ཆེས་མཐོའི་སྲུང་སྐྱོབ་གནང་གི་ཡོད་རེད།

དེ་འདྲའི་གཏན་འབེབས་ཐག་གཅོད་ལ་བརྟེན་སྦེལ་ཇི་ཡེམ་དང་སུད་སིའི་ནང་སྐྱབས་བཅོལ་ཞུ་མཁན་གྱི་བོད་མིར་སྐྱབས་བཅོལ་གྱི་ཐོབ་ཐང་ཕར་བཞག་བཅའ་སྡོད་ཆོག་པའི་སྔོན་འགྲོའི་ཡིག་ཆ་མ་རག་མཁན་མང་ནས་མང་དུ་འགྲོ་བཞིན་པ་རེད།    ཁོང་ཚོར་བཅའ་སྡོད་ཐོབ་ཐང་མ་ཐོབ་པས་ཁོང་ཚོ་ནི་༼ཡིག་ཆ་མེད་པའི་མིའི༽གྲས་སུ་བཅུག་ནས་སྐྱབས་བཅོལ་སྡོད་ཁང་ནས་ཕྱིར་འབུད་སོགས་སྐྱོབ་གསོའི་ཐོབ་ཐང་ཅི་ཡང་མེད་པ་དང་ལས་ཀ་འཚོལ་རྒྱུའི་ཐོབ་ཐང་ཡང་མེད་པར་བརྟེན་འཚོ་ཐབས་ཡར་རྒྱས་གཏོང་ཡག་གི་གོ་སྐབས་དབེན་པས་མི་ཚེའི་མདུན་ལམ་མེད་པའི་ངང་ལུས་ཉེན་འདུག  ད་ལྟའི་འཆར་སྐྱབས་བཅོལ་སྙན་ཞུ་༡༩༦    ལས་༤༠པར་ཐག་གཅོད་འདི་འདྲ་བྱུང་བ་དང་གྲངས་འབོར་དེ་ད་དུང་འཕེལ་གྱི་འདུག།    
སྤྱིར་སྟངས་སྐྱབས་བཅོལ་གྱི་སྙན་ཞུ་ཕུལ་དུས་སྒེར་གྱི་གནས་ཚུལ་ཁོ་ནར་ཞིབ་འཇུག་གི་གྲུབ་འབྲས་གཞིར་བཞག་ཐག་གཅོད་བྱེད་དགོས་པ་དང་བྱེད་ཀྱི་ཡོད་ཀྱང་།      ད་ལྟ་གཏན་འབེབས་བྱེད་བཞིན་པ་དང་བྱེད་ལུགས་འདིའི་ཤུགས་རྐྱེན་གྱིས་བོད་མི་མང་པོ་ཞིག་ལ་དཀའ་ངལ་ཆེན་པོ་འཕྲད་ཀྱི་འདུག།

སེ་སྤེན་ལ་བཅའ་སྡོད་སྤྱི་འཐུས་ཐུབ་བསྟན་དབང་ཆེན་གྱིས་གསུངས་ཡག་ལ་”བོད་ཀྱི་དོན་གཅོད་སྐུ་ཞབས་དངོས་གྲུབ་རྡོ་རྗེ་ལགས་མཉམ་དུ་ང་རང་སྦེལ་ཇི་ཡེམ་གཞུང་གི་འབྲེལ་ཡོད་མི་སྣ་ཁག་མཇལ་ཏེ་གནས་ཚུལ་དེའི་འོག་འཚུད་པའི་བོད་མི་སྐྱབས་བཅོལ་བ་ཚོར་རོགས་རམ་གང་ཡོང་གནང་རོགས་ཞེས་འབོད་སྐུལ་ཞུས་ཀྱང་།  གནས་བབས་དེ་ལས་སླ་པོར་འགྱུར་བ་འགྲོ་ས་མེད་པ་ཞིག་རེད་འདུག་པས་ད་དུང་དེ་ལ་རེ་བ་བརྒྱབ་ན་རེ་སྟོང་ཞིག་རེད་བསམ་གྱིས།    ང་ཚོས་ཤེས་རྟོགས་ལ་ཕེ་རན་སིའི་ནང་ལ་ཡང་དེ་འདྲ་ཡིན་པ་དང་།      རེ་འགས་བཤད་སྟངས་ལ་ད་དུང་དེ་ལས་སྡུག་ག་ཡོད་རེད”ཟེར་གྱིས།

གནམ་གྲུའི་ཀྲི་ཀ་སི་དང་ཤོག་གུ་ཉོ་ཆེད་ཨ་སྒོར་སྟོང་ཕྲག་མང་པོ་གཡར་ནས་ཡུ་རོབ་ལ་ཡོང་མཁན་དེ་ཚོར་དམིགས་བསལ་དཀའ་ངལ་འཕྲད་རྒྱུ་ཉག་ཅིག་རེད་འདུག “གཞན་ཕན་ཞེས་ཁྲིམས་རྩོད་དངས་བླང་གི་རོགས་ཚོགས་དང་སྐྱབས་བཅོལ་ཞུ་མཁན་ལ་དཀའ་ངལ་དེ་སྐོར་བཀའ་མོལ་ཞུས་རྗེས་དཀའ་ངལ་དེ་སྐོར་ང་རང་གི་སེམས་འཚབ་ད་དུང་ཆེ་རུ་ཕྱིན་སོང་”ཞེས་སུད་སིར་བཅའ་སྡོད་སྤྱི་འཐུས་བཀྲས་མཐོང་དབང་པོས་གསུངས་ཀྱིས་ ཡང་ཁོང་གིས་ནན་པོའི་ངང་གསུངས་ཡག་ལ་”སྐྱབས་བཅོལ་རག་རྒྱུའི་གནས་ཚུལ་སྡུག་ཏུ་འགྲོ་བཞིན་པ་དེ་ཤེས་བཞིན་དུ་སྐྱབས་བཅོལ་ཞུ་འདོད་ཅན་གྱི་བོད་མི་སྒེར་པ་དང་ཁྱིམ་ཚང་ལ་དངུལ་གཡར་བ་དེ་ནི་དོ་འཁུར་མེད་པའི་བྱ་སྤྱོད་ཡིན་པས་དངུལ་དེ་ཚུར་རག་རྒྱུའི་ཐོབ་ཐང་མེད་པ་ཆགས་སྲིད་པའི་སྟེང་།         ཁོང་ཚོར་དངུལ་གཡར་ནས་ད་ཆ་ཁོང་ཚོ་དཀའ་ངལ་དེ་འདྲའི་ནང་འཚུད་པའི་སྐབས་ཁོང་ཚོའི་དཔལ་འབྱོར་གྱི་དཀའ་ངལ་དེ་སེལ་རྒྱུའི་འགན་འཁྲི་ཡང་ཡོད་རེད་ཅེས་བཀྲས་མཐོང་དབང་པོ། འབྲེལ་ལམ་ཞུས་ན།བཀྲས་མཐོང་དབང་པོ།        ༠༠༤༡    ༧༨  ༧༤༤  ༣༠ ༡༠ཐུབ་བསྟན་དབང་ཆེན།        ༠༠༣༤  ༦༥༤ ༨༦༥  ༦༥༥, info2@casadeltibetbcn.org 

།།སུད་སིའི་ནང་རྒྱབ་ལྗོངས་གནས་ཚུལ་ལ་དཔྱད་ཞིབ་བྱས་པའི་དྲན་ཐོ།།
ཉེ་འཆར་གྱི་ཐག་གཅོད་གསར་པ་དེ་ནི་སུད་སིའི་ནང་སྐྱབས་བཅོལ་ཁྲིམས་ལུགས་གཏན་འབེབས་དེ་དེང་སང་དམ་ནས་དམ་དུ་འགྲོ་བ་དང་གཅིག་མཐུན་ཡིན་པས་བོད་མི་རྐྱང་པར་དམིགས་པ་ཞིག་མ་རེད།

སུད་སི་གཞུང་གི་དམིགས་ཡུལ་གཙོ་བོ་ནི་རྒྱལ་ཁབ་ཀྱི་སྐྱབས་བཅོལ་ཁྲིམས་ལུགས་འདི་བཞིན་བེད་སྤྱོད་ལོགས་པ་དེ་བཀག་ནས་༡༩༥༡ །    གི་མཐུན་གྲོས་གཞི་བཟུང་ཆབ་སྲིད་བཙོན་པར་སྐྱབས་བཅོལ་གྱི་ཐོབ་ཐང་ཁག་ཐེག་བྱེད་རྒྱུ་དེ་རེད།    ད་བར་བོད་མིར་འཛིན་པའི་སྐྱབས་བཅོལ་ཐག་གཅོད་དེ་གུ་ཡངས་ཡིན་པས་འདས་པའི་རིང་རྒྱ་གར་དང་བལ་ཡུལ་ནས་བོད་མི་མང་པོ་ཞིག་སུད་སིར་གནས་སྤོས་བྱེད་ཐུབ་ཡོད།    ཁོང་ཚོ་མང་པོར་སྐྱབས་བཅོལ་གྱི་ངོས་འཛིན་ཐོབ་ནས་སྐྱབས་བཅོལ་གྱི་ཐོབ་ཐང་རག་པའམ་གལ་ཏེ་སྐྱབས་བཅོལ་གྱི་ཐོབ་ཐང་མ་རག་ན་ཡང་སུད་སིར་ཁྲིམས་མཐུན་ངང་བསྡད་ཆོག་པའི་ཐོབ་ཐང་ཐོབ་ཡོད་རེད། བོད་མི་ཚོ་སུད་སིར་ཡོང་ནས་སྐྱབས་བཅོལ་མ་ཞུས་གོང་རྒྱ་གར་དང་བལ་ཡུལ་ལ་བསྡད་པའི་དབང་གིས་བོད་མི་སྐྱབས་བཅོལ་ཞུ་མཁན་ཚོས་མཐུན་གྲོས་གྱི་ཆ་རྐྱེན་གཙང་མ་བསྒྲུབ་ཐུབ་ཀྱི་མེད་པ་དེ་ཁྲིམས་ལུགས་ཀྱི་དོན་ཚན་གྱི་གོ་དོན་ལ་འགྲེལ་བཤད་རྒྱབ་སྟངས་ཀྱི་འགྱུར་བ་ཕྱིན་པ་རེད། སྔ་མ་ཡིན་ན་བོད་ས་བརྒལ་ནས་མ་ཡོང་གོང་བོད་རིགས་ཡིན་པའི་ཁུངས་སྐྱེལ་བྱེད་ཐུབ་ན་མཐུན་གྲོས་གྱི་རྩ་དོན་བཞིན་སྐྱབས་བཅོལ་ཡིན་པའི་ངོས་འཛིན་ཐོབ་ཀྱི་ཡོད་རེད།༽༣
དེང་སང་སུད་སིའི་གཞུང་གི་འབྲེལ་ཡོད་མི་སྣས་སྐྱབས་བཅོལ་ཞུ་མཁན་དེས་དོ་བདག་སོ་སོའི་ངོ་སྤྲོད་ཡིག་ཆ་འདོན་རྒྱུར་གལ་ཆེན་བརྩིས་ནས་གལ་ཏེ་དོ་བདག་སྒེར་པ་ཞིག་གིས་དེ་འདྲའི་ཡིག་ཆ་མ་བཏོན་པའམ་བཏོན་ཡག་མེད་ན་དོ་བདག་དེའི་སྔ་མའི་འབྱུང་ཁུངས་སྦས་ཀྱི་ཡོད་པར་ངོས་འཛིན་བྱས་དང་བྱེད་བཞིན་པས།    སྐྱབས་བཅོལ་ཞུ་མཁན་དེས་མཐུན་གྲོས་ཀྱི་དོན་ཚན་ནང་གསལ་གྱི་ཆ་རྐྱེན་བསྒྲུབ་ཀྱི་ཡོད་མེད་རྩད་གཅོད་བྱེད་ཐུབ་ཀྱི་ཡོད་མ་རེད།    དེ་འདྲ་སོང་ཙང་བོད་མི་ལ་སྐྱབས་བཅོལ་གྱི་ཐོབ་ཐང་ངམ་།    སུད་སིར་བསྡད་ཆོག་པའི་ཐོབ་ཐང་སྤྲད་ཀྱི་མ་རེད དེས་ན་སུད་སིའི་ནང་བོད་མི་མང་པོ་ཁྲིམས་འགལ་གྱི་ངང་བསྡད་དང་སྡོད་བཞིན་པ་དེ་ཚོ་དུས་ཚོད་ངེས་མིན་ལ་འཛིན་བཟུང་བྱེད་རྒྱུའི་ཉེན་ཁའི་འོག་གནས་བཞིན་པ་རེད།         དེ་འདྲའི་བོད་མི་ཚོའི་དཀའ་སྡུག་དེ་ང་ཚོས་ཤེས་རྟོགས་ཡོང་དུས་སེམས་འཚབ་ཆེན་པོའི་གནས་ཚུལ་ཞིག་ཆགས་ཀྱི་འདུག  གང་ལགས་ཞུས་ན་།         ཁོང་ཚོ་མང་པོ་ཞིག་ལ་ངོས་འཛིན་ལག་འཁྱེར་མེད་དུས་སྐྱབས་བཅོལ་གྱི་ཐོབ་ཐང་གང་ཡང་མེད་པའི་ངང་གནས་རྒྱུ་རེད།

[1] http://www.unhcr.org/pages/49da0e466.html
[2] See: Urteil (Court Rule), E-2981/2012 of 20 May 2014
[3] See:  Urteil (Court Rule) E-163/2012 of 7 August 2012
[4] See: Art. 8 Asylgesetz (Asylum Law)

མཆན་བུ། (༠)

མཆན་འགྲེལ་ཐོག་མ་དེ་ཁྱེད་ནས་འགོད་རོགས་ཞུ།

6 དང་ 2 སམས་རགས།