ཨ་རིའི་ནེའུ་ཡོག་རྒྱལ་ཚོཊ་མདུན་དུ་ཟས་བཅད་ངོ་རྒོལ་གནང་ནས་ཉིན་༢༥ཕྱིན་འདུག

འདི་ལོ་བོད་ཀྱི་ལོ་གསར་ཚེས་༡ ནས་འགོ་འཛུགས་ཀྱིས་དུས་ཚོད་ངེས་མེད་ཀྱི་བར་ཨ་རིར་བརྟེན་གཞི་བྱས་པའི་མཉམ་འབྲེལ་རྒྱལ་ཚོགས་ཀྱི་མདུན་ཐང་དུ་གཞོན་ནུའི་ལས་འགུལ་བ་གསུམ་གྱིས་ཟས་བཅད་ངོ་རྒོལ་བྱེད་བཞིན་ཡོད་པ་དང་། ཟླ་ ༢ ཚེས་༡༣ ཉིན་ཏེ་ཟས་བཅད་ངོ་རྒོལ་གྱི་ལས་འགུལ་འགོ་འཛུགས་ནས་ཉིན་ཉི་ཤུ་ཟིན་པའི་སྐབས་དེར། མཉམ་འབྲེལ་རྒྱལ་ཚོགས་ནས་གཞུང་འབྲེལ་ནས་གཟིགས་སྐོར་དང་པོ་དེ་གནང་ཡོད་པ་རེད།དབུས་གཞོན་ནུའི་ཚོགས་གཙོ་ཚེ་དབང་རིག་འཛིན་ལགས་ཀྱིས་བོད་ནང་འབྱུང་བཞིན་པའི་རང་ལུས་མེར་བསྲེག་གིས་རྒྱ་གཞུང་ལ་ངོ་རྒོལ་དང་ད་ལྟ་བོད་ནང་དུ་ཛ་དྲགས་ཀྱི་གནས་སྟངས་ཐད་ལ་མཉམ་འབྲེལ་རྒྱལ་ཚོགས་ནས་རྒྱབ་བསྐྱོར་དགོས་སྐོར་སྐུ་ཞབས་ཨི་ཝན་སི་མོ་ནོ་ཝི་མཆོག་ལ་འགྲེལ་བཤད་བྱས་ཡོད་པ་རེད། དེ་དང་འབྲེལ་ཟས་བཅད་ངོ་རྒོལ་དེའི་སྐོར་ལ་ཚོགས་གཙོས་“མཉམ་འབྲེལ་རྒྱལ་ཚོགས་ངོས་ནས་བོད་ཀྱི་གཞོན་ནུ་ལྷན་ཚོགས་ནས་བཏོན་པའི་དགོས་འདུན་དོན་ཚན་ལྔ་པོ་དེར་ལན་འདེབས་ཞིག་མ་བྱུང་བར། ཟས་བཅད་ངོ་རྒོལ་བ་གསུམ་པོར་ངོ་རྒོལ་བྱ་རྒྱུའི་ཆོད་སེམས་བརྟན་པོ་འདུག་” ཅེས་གསུངས་ཡོད་པ་རེད།
དགོས་འདུན་དོན་ཚན་ལྔ་ནི་
བོད་ནང་གི་ད་ལྟའི་གནས་སྟངས་ཐོག་རྟོག་ཞིབ་གནང་རྒྱུ་མ་ཟད།
༢ རྒྱ་ནག་གཞུང་གིས་བོད་ནང་འཛིན་བཞིན་པའི་དམག་དོན་བཀག་སྡོམ་གྱི་ཁྲིམས་གཞི་ཕྱིར་འཐེན་དགོས་རྒྱུར་རྒྱ་ནག་གཞུང་ལ་གནོན་ཤུགས་སྤྲོད་རྒྱུ་དང།
 དེ་བཞིན་ཕྱི་རྒྱལ་གྱི་གསར་འགོད་པ་ཚོ་བོད་ནང་གི་དངོས་ཡོད་གནས་སྟངས་ཤེས་རྟོགས་ཐུབ་རྒྱུར་བོད་ནང་གཏོང་དགོས་པ།
 པཎ་ཆེན་དགེ་འདུན་ཆོས་ཀྱི་ཉི་མ་མཆོག་དང་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེས་གཙོས་པའི་བོད་ནང་གི་ཆབ་སྲིད་བཙོན་པ་ཡོངས་རྫོགས་གློད་གྲོལ་དགོས་པ།
བོད་ནང་རྒྱ་ནག་གཞུང་གི་རྒྱལ་གཅེས་ཆོས་གཅེས་ཞེས་པའི་ལས་འགུལ་དེ་མེད་པ་བཟོ་དགོས་པ་སོགས་ཀྱི་དགོས་འདུན་འདོན་བཞིན་ཡོད་པ་རེད།
ཚེ་དབང་རིག་འཛིན་ལགས་ཀྱིས་མུ་མཐུད་དུ། “བོད་ནང་གི་བོད་མི་ཚོས་ད་ལྟའི་དུས་ཚོད་ཛ་དྲགས་དེ་འདྲ་ཞིག་གི་སྐབས་དེར་རེ་བ་ཆེ་ཤོས་དེ་འཛམ་གླིང་མཉམ་འབྲེལ་རྒྱལ་ཚོགས་དང་རྒྱལ་སྤྱིའི་ཚོགས་སྡེ་ཁག་ལ་བཅངས་བཞིན་ཡོད་པ་རེད་”ཅེས་གསུངས་འདུག འདྲ་པར་་་

མཆན་བུ། (༠)

མཆན་འགྲེལ་ཐོག་མ་དེ་ཁྱེད་ནས་འགོད་རོགས་ཞུ།

2 དང་ 9 སྡོམས་རོགས།