ས་གནས་མདོ་ཁམས་ཆུ་བཞི་སྒང་དྲུག་བཙུགས་ནས་མི་ལོ་ཧྲིལ་པོ་༤༠འཁོར་བའི་དུས་དྲན།

དེ་ཡང་སྤྱི་ལོ་༢༠༡༩ ཟླ་ ཚེས་ ༢༡ ཉིན་སུད་ཡུ་རོབ་སུད་སི་ས་གནས་མདོ་ཁམས་ཆུ་བཞི་སྒང་དྲུག་བཙུགས་ནས་མི་ལོ་ཧྲིལ་པོ་ ༤༠ འོར་བའི་དུས་དྲན་སྲུང་བརྩི་ཟབ་རྒྱས་ཞུས་སོང་། ཐེངས་འདིའི་སྐུ་མགྲོན་གཙོ་བོ་དབུས་མདོ་ཁམས་ཆུ་བཞི་སྒང་དྲུག་གི་སྤྱི་ཁྱབ་ཚོགས་གཙོ་གླིང་ཚང་ཚེ་རྡོར་མཆོག དམིགས་བསལ་སྐུ་མགྲོན་སློབ་དཔོན་ཆེན་མོ། ཁེ་རོ་ལེ་མཆོག་ (Prof.Carole McGranahan )དང ༧གོང་ས་མཆོག་གི་སྐུ་ཚབ་ཟུར་པ་སྐུ་ངོ་སྐལ་བཟང་རྒྱལམཚན། ས་གནས་རྫོང་དཔོན་གསར་པ། HerrCornelAerne མཆོག རི་ཀོན་ཆོས་འཁོར་དགོན་པའི་མཁན་རིན་པོ་ཆེ་དགེ་བཤེས་ཐུབ་བསྟན་ལེགས་སྨོན་མཆོག་གཙོས་པའི་་དགེ་འདུན་པ་རྣམ་པ། དེ་བཞིན་ཕ་རན་སི་དང་བྷེལ་ཇམ་ས་གནས་མདོ་ཁམས་ཆུ་བཞི་སྒང་རྒྱུན་ལས་ཁག་གཅིག་བཅས་ཁྱོན་མི་གྲངས་དྲུག་བརྒྱ་ཙམ་ལྷན་འཛོམས་ཀྱིས་མཛད་སྒོ་གཟབ་རྒྱས་ངང་འཚོགས་སོང་།

རི་ཀོན་ཆོས་འཁོར་དགོན་ཀྱི་འགེ་འདུན་རྣམས་པའི་དབུ་མཛེད་པའི་ཐོག་སྐུ་མགྲོན་རྣམས་པ་དང་མི་མང་ཡོངས་ནས་
༧ གོང་ས་༧སྐྱབས་མགོན་སྐུ་ཕྲེང་བཅུ་བཞི་པ་ཆེན་པོ་མཆོག་དགུང་ཀེག་གི་མཚན་མ་ཅི་མཆིས་མྱུར་བ་མྱུར་དུ་ཞི་ནས་
བདག་སོགས་མཁའ་ཁྱབ་མ་རྒན་སེམས་ཅན་ཐམས་ཅད་ཀྱི་མགོན་དཔུང་དམ་པ་རུ་སྐུ་ཚེ་མི་གཤེགས་བསྐལ་བརྒྱར་
བརྟན་ཅིང་རླབས་ཆེན་ཐུགས་ཀྱི་བཞེད་དགོངས་མཐའ་དག་འབད་མེད་ལྷུན་གྱིས་འགྲུབ་པ་སོགས་ཀྱི་ཆེད་དང་།
རྒྱལ་རྒྱལ་གཅེས་དཔའ་བོ་ཛ་སག་ཨ་འབྲུག་མགོན་པོ་བཀྲ་ཤིས་མཆོག་གིས་གཙོས་བོད་རྒྱལ་ཁབ་ཆེན་པོའི་རྩ་དོན་ཆེད་དུ་རང་གི་ལུས་སྲོག་ལོང་སྤྱོད་དང་བཅས་པ་ཀློད་བཏང་གནང་མཁན་འདས་གསོན་ཡོངས་ཀྱི་ཆེད་སྔོ་སྨོན་གསུངས་སོང་།

ས་གནས་མདོ་ཁམས་ཆུ་སྒང་ཚོགས་གཙོ་གདུགས་རྩ་ཚང་འོད་ཟེར་ནས་དུས་ཆེན་དང་འབྲེལ་བའི་གསུང་བཤད་གྲུབ་རྗེས་དམིགས་བསལ་སྐུ་མགྲོན་སློབ་དཔོན་ཆེན་མོ། ཁེ་རོ་ལེ་མཆོག་ནས་མདོ་ཁམས་ཆུ་བཞི་སྒང་དྲུག་བསྟན་སྲུང་དྭངས་བླངས་དམག་གི་ལོ་རྒྱུས་དང་འབྲེལ་བའི་གསུང་བཤད་གནང་དང་གོང་ས་མཆོག་གི་སྐུ་
ཚབ་ཟུར་པ་སྐལ་བཟང་རྒྱལ་མཚན་དང་དབུས་མདོ་ཁམས་ཆུ་བཞི་སྒང་དྲུག་གི་སྤྱི་ཁྱབ་ཚོགས་གཙོ་གླིང་ཚང་ཚེ་རྡོར་རྣམ་
གཉིས་གཙོས་པའི་གལ་ཆེ་སྐུ་མགྲོན་ཁག་གཅིག་གིས་དིང་དུས་བོད་ཀྱི་རྒྱལ་རབ་སྐོར་༼ བཙན་རྒོལ་དང་གཅིག་སྒྲིལ༽
ཞེས་པའི་དཔེ་དེབ་དེ་དབུ་འབྱེད་གནང་ཡོད་པ་རེད་བཙན་རྒོལ་དང་གཅིག་སྒྲིལ་ཞེསཔའི་དཔེ་དེབ་དེ་རྒྱ་ནག་གཞུང་གིས་
བོད་ས་བཙན་འཕྲོག་བྱེད་སྐབས་བསྟན་སྲུང་དང་བླངས་དམག་གིས་བོད་རྒྱལ་ཁབ་དང་མི་རིགས་༧གོང་ས་རྒྱལ་བ་ཪིན་པོ་
ཆེའི་སྐུ་ཕྱྭ་བཅས་ཀྱི་ཆེད་དུ་རྒོལ་འཛིང་གིས་ཚེ་སྲོག་མང་པོ་འགྲོ་གྲོན་བཏང་བ་དེ་ཚོ་བོད་ཀྱི་རྒྱལ་རབས་ལོ་རྒྱུས་ནང་
འཁོད་ཐབས་ཆེད་དམིགས་པའི་མདོ་ཁམས་ཆུ་བཞི་སྒང་དྲུག་བསྟན་སྲུང་དང་བླངས་དམག་སྤྱི་བྱང་རི་ལྷ་རྒྱལ་གྱི་མི་ཚེའི་ལོ་རྒྱུས་དང་འབྲེལ་ནས་དབྱིན་ཡིག་ཐོག་བྲིས་ཡོད་པ་རེད།

ཟློས་གར་བ་རྣམས་ཀྱིས་སྐུ་ངལ་འཛེམས་མེད་ཀྱིས་སྦྱོང་བརྡར་བྱས་ནས་མཐོ་སྒང་མི་རིགས་ཀྱི་གནའ་བོའི་སྲོལ་རྒྱུན་གྱི་ཁྱད་ཆོས་ལྡན་པའི་གཞས་དང་ཞབས་བྲོ་ཡོད་པར་མ་ཟད། དེང་དུས་གླུ་གཞས་སྣ་ཚོགས་ཞིག་གཟིགས་འབུལ་ཞུས་རྗེས་མཛད་སྒོ་རྒྱལ་ཁའི་མཇུག་སྒྲིལ་སོང་

མཆན་བུ། (༠)

མཆན་འགྲེལ་ཐོག་མ་དེ་ཁྱེད་ནས་འགོད་རོགས་ཞུ།

8 དང་ 6 སྡོམས་རོགས།