རྒྱ་རིགས་མང་གཙོ་ཚོགས་པ་གསུམ་གྱིས་བློ་སེང་ལ་འཚམས་འདྲི།

རྒྱལ་སྤྱིའི་བོད་ཀྱི་ཆ་འཕྲིན། ཕྱི་ལོ་༢༠༡༡ཟླ་༥ཚེས་༢ཉིན། ཕྱི་ལོ་ ༢༠༡༡ ཟླ་ ༤ ཚེས་ ༢༨ ཉིན་ཨོ་སི་ཊོ་ལི་ཡ་དང་ནེའུ་ཛ་ལན་ཌིའི་ནང་ཡོད་པའི་རྒྱ་རིགས་མང་གཙོ་ཚོགས་པ་ཁག་གསུམ་གྱི་ཐུན་མོང་ནས་སྐུ་ཚབ་དོན་གཅོད་ལས་ཁུངས་བརྒྱུད་མཁས་དབང་བློ་བཟང་སེང་གེ་མཆོག་སྐབས་གསུམ་པའི་བཀའ་ཁྲི་ལས་གནས་སུ་རྒྱལ་ཁ་ཐོབ་པ་འཚམས་འཕྲིན་ཞིག་གནང་ཡོད་འདུགའཚམས་འཕྲིན་དེའི་ནང་གུས་པར་འོས་པའི་སྐུ་ཞབས་བློ་བཟང་སེང་གེ་མཆོག་ལ། སྐུ་ཉིད་བཙན་བྱོལ་བོད་མི་མང་གིས་ཐད་ཀར་འོས་འདེམས་ཀྱིས་སྐབས་གསུམ་པའི་བཀའ་བློན་ཁྲི་པའི་འོས་བསྡུའི་རྒྱལ་ཁ་ཐོབ་པར། རྒྱ་ནག་མང་གཙོ་ཚོགས་པ་མཉམ་འབྲེལ་ལས་དོན་ལྷན་ཚོགས་ནས་འཚམས་འདྲི་བཀྲིས་བདེ་ལེགས་ཞུ་རྒྱུ་ཡིན།བཙན་བྱོལ་བོད་གཞུང་གི་མང་གཙོའི་འཕེལ་རིམ་དང་འོས་འདེམས་ནི་ང་ཚོ་རྒྱ་རིགས་མང་གཙོ་དོན་གཉེར་བས་སེམས་ཁུར་དང་སློབ་སྦྱོང་བྱེད་སའི་གལ་ཆེན་ཆ་ཤས་ཤིག་ཡིན་པ་དང༌། ༧གོང་ས་ཏཱ་ལའི་བླ་མ་མཆོག་གིས་དེ་སྔོན་ད་ཆ་རང་རེའི་མང་གཙོའི་འཕེལ་རིམ་ཡོངས་སུ་རྫོགས་པའི་ཆེད་གང་ཉིད་ནས་བོད་ཀྱི་ཆབ་སྲིད་འགན་ཁུར་མ་དགོས་པར། མི་མང་གིས་འོས་འདེམས་བྱས་པའི་འགོ་ཁྲིད་སོ་སོས་ཆབ་སྲིད་ཀྱི་འགན་དབང་ཡོངས་རྫོགས་ཁུར་དགོས་པའི་བཀའ་སློབ་སྩལ་བ་དེས། བཙན་བྱོལ་བོད་གཞུང་གི་བཀའ་ཤག་གསར་པར་ཆབ་སྲིད་འཕེལ་རིམ་གྱི་སློབ་ཚན་གསར་པ་ཞིག་སྒོ་འབྱེད་གནང་ཡོད།རྒྱ་ནག་མང་གཙོའི་ལས་འགུལ་དང་བོད་མིའི་རང་དབང་ལས་འགུལ་ནི་ཆབ་སྲིད་ཀྱི་དམིགས་ཡུལ་ཐད་ཐུན་མོང་གི་འགལ་རྐྱེན་ཞིག་ཡོད་པ་ནི། རྒྱ་ནག་སྲིད་དབང་སྒེར་འཛིན་གཞུང་ལུགས་དེ་ཡིན་པ་དང༌། ལམ་ལུགས་དེ་ནི་རྒྱ་ནག་མང་གཙོའི་འཕེལ་རིམ་དུ་བསྐྱོད་རྒྱུའི་འགལ་རྐྱེན་ཆེ་ཤོས་ཤིག་ཡིན་པ་མ་ཟད། བོད་མི་ས་ཡ་དྲུག་ལ་དོན་སྙིང་ལྡན་པའི་ཆེས་མཐོའི་རང་སྲིད་རང་སྐྱོང་རྩོད་ལེན་གནང་རྒྱུའི་འགལ་རྐྱེན་ཞིག་ཀྱང་ཡིན་པའི་ངོས་འཛིན་བྱེད་ཀྱི་ཡོད་ཅེས་དང༌།དེ་བཞིན་འཚམས་འཕྲིན་དེའི་ནང་ད་དུང་རྒྱ་ནག་དམངས་གཙོ་ཚོགས་པའི་མཉམ་འབྲེལ་ལས་དོན་ལྷན་ཚོགས་ནས་སྐབས་གསར་པའི་བཙན་བྱོལ་བོད་གཞུང་དེ་བཞིན། སྐུ་ཉིད་ཀྱི་དབུ་ཁྲིད་འོག་སྔོན་ཆད་ལྟར་འདས་ཟིན་པའི་ལོ་ངོ་ ༢༠ ལྷག་རིང་རྒྱ་ནག་དམངས་གཙོ་ལས་འགུལ་བ་དང་བོད་ཀྱི་རང་དབང་ལས་འགུལ་དབར་ཕན་ཚུན་མཉམ་ལས་འབྲེལ་ལམ་ཐོག་རྒྱུན་འཛིན་གྱི་ཤུགས་སྣོན་གནང་རྒྱུ་དང༌། མཐར་ང་ཚོའི་ཆབ་སྲིད་ཀྱི་དགོས་དབང་བསྒྲུབ་རྒྱུའི་རེ་སྒུག་ཞུ་མུས་ཡིན་ཞེས་འཁོད་ཡོད་འདུག

མཆན་བུ། (༠)

མཆན་འགྲེལ་ཐོག་མ་དེ་ཁྱེད་ནས་འགོད་རོགས་ཞུ།

8 དང་ 1 སྡོམས་རོགས།