སུད་སིར་འཛམ་གླིང་འགྲོ་བ་མིའི་ཐོབ་ཐང་གི་ཉིན་མོར་རྒྱལ་ཚོགས་མདུན་དུ་ངོ་རྒོལ་ལས་འགུལ་སྤེལ།

༢༠༡༨ ལོའི་ཟླ་༡༢ ཚེས་༡༠ རེས་གཟའ་ཟླ་བའི་ཉིན་སུད་སི་དང་ལེག་ཏེན་སི་ཊཡན་བོད་རིགས་མི་མང་སྒྲིག་འཛུགས་ཀྱི་གོ་སྒྲིག་འོག སུད་སི་ཇི་ནི་ཝ་མཉམ་འབྲེལ་རྒྱལ་ཚོགས་མདུན་དུ་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་ཇེ་སྡུག་ཏུ་འགྲོ་བཞིན་པའི་སྐོར་ཞུ་གཏུག་ལས་འགུལ་སྤེལ།

གོང་ཚེས་ཉིན་སུད་སི་དང་ལེག་ཏེན་སི་ཊཡན་བོད་རིགས་མི་མང་གིས་གོ་སྒྲིག་འོག་སུད་སི་ས་གནས་ཁག་གི་མི་མང་འཐུས་མི་གཙོས་ས་གནས་མི་མང་སུམ་བརྒྱ་ལྷག་མཉམ་འཛོམས་ཐོག་བོད་ནང་གི་འགྲོ་བ་མིའི་ཐོབ་སྟངས་གནས་སྟངས་ཇེ་སྡུག་ཏུ་འགྲོ་བཞིན་པས། བོད་རྒྱ་ཆེ་མི་མང་གི་ཚབ་བྱས་ཏེ་རྒྱ་གཞུང་གི་བྱེད་བབ་ལ་ངོ་རྒོལ་དང་། དེ་ལ་རྒྱལ་སྤྱིའི་ཚོགས་སྡེ་ཁག་དང་། དམིགས་བསལ་མཉམ་འབྲེལ་རྒྱལ་ཚོགས་འགྲོ་བ་མིའི་ཐོབ་ཐང་ལྷན་ཚོགས་ཀྱིས་བོད་ནང་གི་དཀའ་སྡུག་ཁག་ལ་དོ་ཁུར་དང་། ཡང་ན་རྒྱལ་ཚོགས་ཀྱིས་རྒྱ་གཞུང་ལ་གནོད་ཤུགས་སྤྲོད་དགོས་སྐོར་ཞུ་གཏུག་ལས་འགུལ་བཅས་སྤེལ་ཡོད་འདུག

ལས་འགུལ་འདི་ཉད་དང་པོ་སུད་སི་ཇི་ནེ་ཝ་གྲོང་ཁྱེར་རྒྱལ་ཚོགས་འགྲོ་བ་མིའི་ཐང་ལྷན་ཚོགས་ཀྱི་མདུན་ཐང་Palas Wilson ཐང་ཆེན་ནས་རུ་བསྒྲིགས་ཏེ་རྒྱལ་ཚོགས་མདུན་བར་གོམ་བགྲོད་དང་། རྒྱལ་ཚོགས་མདུན་དུ་རེ་འདུན་ཁག་སྐད་ཤུགས་ཆེན་པོས་རྔམ་སྟོན་སྐད་འབོད་བཅས་གནང་དང་། དེ་གར་བོད་རིགས་མི་མང་ཚོགས་གཙོ་མཚམས་མདའ་ནོར་བུ་ལགས་ཀྱིས་ལས་འགུལ་དང་འབྲེལ་བའི་གཏམ་བཤད། དེ་བཞིན་ཡུ་རོབ་སྤྱི་འཐུས་ཐུབ་བསྟན་དབང་ཆེན་ལགས་དང་། ཟམ་མདོ་བྱམས་པ། སུད་སི་དོན་གཅོད་སྐུ་ངོ་དངོས་གྲུབ་རྡོ་རྗེ་ལགས། གཞན་སུད་སི་ནང་རྟེན་གཞི་བྱས་པའི་གཞུང་འབྲེལ་མ་ཡིན་པའི་ཚོགས་སྡེ་ཁག་གི་ཚོགས་གཙོ་དང་སྐུ་ཚབ་རྣམས་ཀྱིས་འགུལ་དང་འབྲེལ་བའི་གཏམ་བཤད་གནང་རྗེས། ཐེངས་འདིའི་ལས་འགུལ་གྱི་རེ་འདུན་འཁོད་པའི་སྙན་ཞུ་རྒྱལ་ཚོགས་འགྲོ་བ་མིའི་ཐོབ་ཐང་ལྷན་ཚོགས་སུ་ཕུལ་ཏེ་བོད་ནང་གི་གནས་སྟངས་སྤྱི་དང་། ལྷག་པར་ད་ལྟའི་ཛ་དྲག་གི་འགྲོ་བ་མིའི་ཐོབ་ཐང་གི་གནས་སྟངས་གང་མགྱོགས་བདག་སྤྲོད་དགོས་པའི་དགོས་འདུན་དང་ཞུ་གཏུགས་གནང་ཡོད་འདུག

 

གསར་འགོད་པ། བཀྲ་ཤིས་རྣམ་རྒྱལ་དང་ཕུན་ཚོགས། 

མཆན་བུ། (༠)

མཆན་འགྲེལ་ཐོག་མ་དེ་ཁྱེད་ནས་འགོད་རོགས་ཞུ།

1 དང་ 9 སམས་རགས།