རེབ་གོང་དུ་ཏིང་འཛིན་སྒྲོལ་མ་ལགས་ཀྱིས་རང་ལུས་ མེར་སྲེག་བཏང་སྟེ་འདས་གྲོངས་སུ་གྱུར་འདུག

ཏིང་འཛིན་སྒྲོལ་མ་ལགས

༄༅། །ཕྱི་ལོ་ ༢༠༡༢ ཟླ་ ༡༡ ཚེས་ ༡༥ ཉིན་བོད་ནང་གི་ཉིན་གུང་ཙམ་ལ་མདོ་སྨད་རེབ་གོང་བཙན་མོ་མགོ་དགེ་སྡེ་བའི་རང་ལོ་ ༢༣ ཡིན་པའི་ཏིང་འཛིན་སྒྲོལ་མ་ལགས་ཀྱིས། སྡེ་བའི་འདུ་ཁང་གི་ཆོས་རྭའི་ནང་རང་ལུས་མེར་སྲེག་བཏང་སྟེ་རྒྱ་གཞུང་གི་དྲག་གནོན་དབང་སྒྱུར་ལ་ངོ་རྒོལ་བྱས་ཡོད་འདུག ཏིང་འཛིན་སྒྲོ་ལ་མ་ལགས་ཀྱིས་རང་ལུས་མེར་སྲེག་བཏང་པ་དུས་ཐོག་སྡེ་མི་རྣམས་ཀྱིས་ཤེས་རྟོགས་མ་བྱུང་བས་ས་གནས་རང་དུ་འདས་གྲོངས་སུ་གྱུར་འདུག ཏིང་འཛིན་སྒྲོལ་མའི་ཨ་ཕའི་མིང་ལ་བུ་ལོ་ཟེར་ཞིང་རང་ལོ་ ༥༠ ཡིན་འདུག་པ་སྡེ་བ་དེའི་གླུ་བ་སྐད་གྲགས་ཅན་ཞིག་ཡིན་པ་དང་། ཨ་མའི་མིང་ལ་བཀྲ་ཤིས་སྒྲོལ་མ་ཟེར་ཞིང་རང་ལོ ༤༡ ཡིན་འདུག

ཏིང་འཛིན་སྒྲོལ་མ་ལགས་ཀྱི་ནང་གི་དཔལ་འབྱོར་གནས་སྟངས་ཧ་ཅང་ཡག་པོ་ཡོད་པ་དང་། ཁོ་མོ་ནམ་རྒྱུན་ལས་ལ་བརྩོན་ཞིང་ཆེ་བཀུར་ཆུང་བྱམས་ཅན་གྱི་བུད་མེད་ཡ་རབས་ཤིག་ཡིན་འདུག གོང་ཚེས་ཉིན་གྱི་དགོང་མོ་བོད་ནང་གི་ཆུ་ཚོད་ ༡༠ ཐོག་སྐུ་ཕུང་ཞུགས་འབུལ་སྐབས་རེབ་གོང་ཡར་ནང་བཙན་མོའི་སྒྲུབ་སྡེ་གསུམ་གྱིས་མཚོན་གཡས་གཡོན་གྱི་སྡེ་མི་བརྒྱ་ཕྲག་འཛོམས་ནས་གདུང་སེམས་མཉམ་སྐྱེ་ཞུས་འདུག དེ་བཞིན་སྐུ་ཕུང་ཞུགས་འབུལ་མ་གནང་སྔོན་ཙམ་ནས་ཁ་པར་གྱི་བརྒྱུད་ལམ་སོགས་ཀྱང་གཏན་འགོག་བྱས་འདུག་པ་བཅས།།

མཆན་བུ། (༠)

མཆན་འགྲེལ་ཐོག་མ་དེ་ཁྱེད་ནས་འགོད་རོགས་ཞུ།

5 དང་ 5 སྡོམས་རོགས།