༄༅། སུད་སི་སྐུ་ཚབ་དོན་གཅོད།

༄༅། །སུད་སི་དབུས་གཞུང་གི་བཀའ་འཁྲོལ་ཐོག་ཕྱི་ལོ་ ༡༩༦༤ ལོར་སུད་སི་སྐུ་ཚབ་དོན་གཅོད་ཁང་བཙུགས་ཤིང་། དེའི་ལས་དོན་གཙོ་བོ་ནི་༸སྤྱི་ནོར་༸གོང་ས་༸སྐྱབས་མགོན་ཆེན་པོའི་རླབས་ཆེན་དགོངས་གཞི་ཁག་དང་། བོད་རྒྱ་དཀའ་རྙོག་སེལ་རྒྱུའི་བཙན་བྱོལ་བོད་གཞུང་གི་སྲིད་བྱུས། བོད་ཕྱི་ནང་གཉིས་ཀྱི་དངོས་ཡོད་གནས་སྟངས་ཁྱབ་ཁོངས་རྒྱལ་ཁབ་དང་། གྲོས་ཚོགས་ཚོགས་མི། བོད་དོན་རྒྱལ་སྐྱོར་ཚོགས་པ། རྒྱལ་སྤྱིའི་མང་ཚོགས། གསར་འགོད་པ་བཅས་བོད་དོན་དྲིལ་བསྒྲགས་ཐོག་རྒྱལ་སྤྱིའི་རྒྱབ་སྐྱོར་ཐོབ་ཐབས་འབད་བརྩོན་གནང་རྒྱུ་ཡིན།

ལས་དོན་ཞུ་སྒོ་གཞན་ཁག་ནི།

༡༽ དབུས་ཤར་ཡུ་རོབ་རྒྱལ་ཁབ་ནང་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་བཙན་བྱོལ་བོད་གཞུང་གི་མཛད་གཙོ་རྣམ་པའི་ཆིབས་བསྒྱུར་གོ་སྒྲིག་གནང་རྒྱུ།
༢༽ དབུས་ཤར་ཡུ་རོབ་རྒྱལ་ཁབ་ནང་གནས་སྡོད་བོད་རིགས་མང་ཚོགས་ཀྱི་བདེ་སྡུག་གཟིགས་སྐྱོང་གནང་རྒྱུ་དང་སྦྲགས། གཞུང་མང་གཉིས་བར་འབྲེལ་བ་དམ་ཟབ་བཟོ་རྒྱུ།
༣༽ བོད་ཀྱི་ཆོས་དང་རིགས་གཞུང་གོང་འཕེལ་དང་མི་ཉམས་རྒྱུན་འཛིན་ཡོང་སླད་མཐུན་འགྱུར་རྒྱབ་སྐྱོར་གནང་རྒྱུ།
༤༽ ཡུ་རོབ་ནང་གནས་སྡོད་རྒྱ་རིགས་མི་མང་དང་ཚོགས་པ། རྒྱ་ནག་སྐམ་ས་ཆེན་མོ་ནས་ཕྱིར་བསྐྱོད་པའི་རྒྱ་རིགས་མཉམ་མཐུན་འབྲེལ་གནང་སྟེ། བོད་ཕྱི་ནང་གཉིས་ཀྱི་དངོས་ཡོད་གནས་ཚུལ་དང་། ལྷག་པར་དུ་བོད་རྒྱ་དཀའ་རྙོག་སེལ་ཐབས་གཉིས་སྨན་དབུ་མའི་ལམ་གྱི་སྲིད་བྱུས་སྙིང་དོན་འགྲིལ་བཤད་ཀྱིས་རྒྱབ་སྐྱོར་ཐོབ་ཐབས་གནང་རྒྱུ།
༥༽ རྒྱལ་ཚོགས་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཚོགས་ཆེན་གཙོས་པའི་རྒྱལ་སྤྱིའི་ཚོགས་འདུ་གཞན་ཁག་ནང་བོད་ནང་གི་འགྲོ་བ་མིའི་ཐོབ་ཐང་ཡར་རྒྱས་ཡོང་ཕྱིར་བོད་ཀྱི་གནད་དོན་གླེང་སློང་གནང་ཐབས་གནང་རྒྱུ།
༦༽ རྒྱ་བལ་འབྲུག་གསུམ་ནང་གནས་བསྡོད་བཙན་བྱོལ་བོད་མིའི་འཚོ་བ་དང་། ཤེས་ཡོན་དང་། འཕྲོད་བསྟེན། བཅས་ཡར་རྒྱས་གཏོང་ཐབས་སུ་དཔལ་འབྱོར་འདུ་འགོད་གང་ཐུབ་གནང་རྒྱུ།

སྐུ་ཚབ་དོན་ཁང་གི་ཁ་བྱང་གཤམ་གསལ།

The Tibet Bureau
Place de la Navigation 10
CH-1201 Genf
Switzerland

ཞལ་པར། + ༤༡ ༢༢ ༧༣༨ ༧༩ ༤༠
མྱུར་འཕྲིན། +༤༡ ༢༢ ༧༣༨ ༧༩ ༤༡
གློག་འཕྲིན། : info@tibetoffice.ch
དྲ་རྒྱ། : www.tibetoffice.ch

ཞལ་པར་ཐོག་འབྲེལ་དུས།

རེས་གཟའ་ཟླ་བ་ནས་པ་སངས་བར།
ཕྱག་ཚོད་ ༩  ནས་ ༡༣ དང་ ཉིན་རྒྱབ་ ཕྱག་ཚོད་ ༡༤ ནས་ ༡༧ བར

ཕྱི་ལོ་ ༡༩༦༠ ལོར་པདྨ་བཀོད་དུ་སྐྱེས། ཕྱི་ལོ་ ༡༩༨༠ ལོར་རྡོར་གླིང་བོད་གཞུང་དབུས་སློབ་ནས་འཛིན་རིམ་བཅུ་གཉིས་ཐོན་རྗེས་དྭངས་ཞབས་སུ་ ༡༩༩༤ བར་ཞབས་ཞུའི་རིང་ཡིག་འགྲུལ་ལམ་ནས་ BA ཟུར་སྦྱོང་ཐོན། དྭང་ཞབས་ནས་ལུགས་མཐུན་དགོངས་ཞུ་རྗེས་ཨོ་རི་ས་སྨན་ལྷ་སྨན་ཁང་གི་རྩིས་པ་དང་འཛིན་སྐྱོང་འགན་འཛིན་གཅིག་ལྩོགས་ཞུས། ཕྱི་ལོ་ ༡༩༩༧ ཟླ་ ༡ ཚེས་ ༢ ཉིན་དྲུང་གཞོན་གནས་རིམ་ཐོག་ཡིག་རྒྱུགས་འཕྲོད། ཕྱི་ལོ་ ༡༩༩༧ ཟླ་ ༡ ཚེས་ ༢༠ ཉིན་བཀའ་དྲུང་ཡིག་ཚང་གི་དྲུང་གཞོན་དུ་ཚོད་ལྟར་བསྐོ་གཞག་དང་ཕྱི་ལོ་ ༡༩༩༧ ཟླ་ ༨ ཚེས་ ༥ ནས་གཞུང་ཞབས་ལས་ངོར་བསྐོ་གཞག ཕྱི་ལོ་ ༢༠༠༠ ཟླ་ ༡༡ ཚེས་ ༡༥ ནས་སྦིར་བོད་ཚོགས་བཟོ་གཞིས་ཀྱི་ས་གནས་འགོ་འཛིན། ཕྱི་ལོ་ ༢༠༠༣ ལོར་མན་སྤར་ཕན་བདེ་གླིང་གི་ས་གནས་འགོ་འཛིན། ཕྱི་ལོ་ ༢༠༠༤ ཟླ་ ༡༡ ཚེས་ ༡༢ ནས་ཟུང་དྲུང་དུ་གནས་སྤར་གྱིས་སྦེལ་ཀོབ་ལུགས་བསམ་ས་གནས་འགོ་འཛིན། ཕྱི་ལོ་ ༢༠༠༦ ཟླ་ ༣ ཚེས་ ༩ ནས་ནང་སྲིད་ལས་ཁུངས་ཀྱི་ཟུང་དྲུང་དུ་གནས་སྤོས། ཕྱི་ལོ་ ༢༠༡༢ ཟླ་ ༢ ཚེས་ ༣ ནས་དྲུང་འཕར་གནས་རིམ་དུ་གནས་སྤར་གྱིས་ནང་སྲིད་ལས་ཁུངས་སུ་རང་འཇགས། ཕྱི་ལོ་ ༢༠༡༦ ཟླ་ ༣ ཚེས་ ༡༡ ནས་འཕྲོད་བསྟེན་ལས་ཁུངས་ཀྱི་དྲུང་འཕར་དུ་གནས་སྤོས། ཕྱི་ལོ་ ༢༠༡༦ ཟླ་ ༤ ཚེས་ ༡༡ ནས་འཕྲོད་བསྟེན་ལས་ཁུངས་ཀྱིས་དྲུང་ཆེ་ལས་ཚབ་ཏུ་བསྐོ་གཞག ཕྱི་ལོ་ ༢༠༡༦ ཟླ་ ༧ ཚེས་ ༢༥ ནས་ནང་སྲིད་ལས་ཁུངས་ཀྱི་དྲུང་ཚབ་ཏུ་བསྐོ་གཞག ཕྱི་ལོ་ ༢༠༡༧ ཟླ་ ༥ ཚེས་ ༡༦ ནས་ནང་སྲིད་དྲུང་ཆེར་བསྐོ་གཞག ཕྱི་ལོ་ ༢༠༡༨ ཟླ་ ༨ ཚེས་ ༢༤ ཉིན་སུད་སི་སྐུ་ཚབ་དོན་གཅོད་དུ་བསྐོ་གཞག་དང་སྦྲགས་ཕྱི་ལོ་ ༢༠༡༩ ཟླ་ ༣ ཚེས་ ༧ ནས་དངོས་སུ་ལས་ཁུར་འགོ་འཛུགས་ཞུས་པ་བཅས་ཀྱི་ལོ་རྒྱུས་སྙིང་བསྡུས།

སྐུ་ཚབ་དོན་གཅོད་རིམ་པའི་མཚན་གཞུང་།

ཕ་ལྷ་ཐུབ་བསྟན་འོད་ལྡན། ༡༩༦༤ ནས ༡༩༧༣ བར།
གནས་ནང་བློ་བཟང་ཆོས་འཕེལ། ༡༩༧༣ ནས ༡༩༧༦ བར།
གསང་གླིང་ཚེ་རིང་རྡོ་རྗེ། ༡༩༧༦ ནས ༡༩༨༥ བར།
སྐལ་བཟང་རྒྱལ་མཚན། ༡༩༨༥།༩།༡ ནས་ ༡༩༩༢ ཟླ་་༢ བར།
རྒྱལ་རྟག་རྒྱལ་མཚན་ ༡༩༩༡ ཟླ་ ༡༡ ནས་ ༡༩༩༥ ཟླ་ ༩ བར།
ཀོ་རན་ཆུང་བདག་༡༩༩༥།༩།༥ ནས་ ༢༠༠༡།༩།༡༥ བར།
ཆོས་སྐྱབས་པ་འཆི་མེད་རིག་འཛིན། ༢༠༠༡།༨།༢༧ ནས་ ༢༠༠༥།༩།༡༥ བར།
སྐལ་བཟང་རྒྱལ་མཚན། ༢༠༠༥།༩།༡ ནས་༢༠༠༨།༣།༣༠་བར།
ཚོས་སྐྱབས་པ་ཚེ་བརྟེན་བསམ་གྲུབ། ༢༠༠༨།༤།༡ ནས་ ༢༠༡༤།༩།༣༠
དངོས་གྲུབ་རྡོ་རྗེ། ༢༠༡༤།༡༠།༡ ནས ༢༠༡༤།༡༠།༡ ནས་ ༢༠༡༩།༣།༧