༄༅།། སུད་­སི་­དང་­ལེཀ་­ཊེན་­སྤྲཡན་­བོད་­རིགས་­མི་­མང་­གི་­ས་­གནས་­ཚོགས་­ཆུང་­ཁག

༄༅།། སུད་­སི་­དང་­ལེཀ་­ཊེན་­སྤྲཡན་­བོད་­རིགས་­མི་­མང་­གི་­སྒྲིག་­འཛུགས་­འོག་­ས་­གནས་­ཚོགས་­ཆུང་­ཁག །ས་­གནས་­ཆེ་­ཆུང་­ལ་­གཞིགས་­པའི་­འཐུས་­མི་­གཅིག་­ནས་­གཉིས་­བར་­ས་­གནས་­སོ་­སོའི་­མི་­མང་­ནས་­ས་­གནས་­འོས་­འདུ་­ལྷན་­ཁང་­གི་­ཚོགས་­མི་­གདན་­ཞུ་­གནང་­སྟེ་­འོས་­འདེམས་­གནང་­བཞིན་­ཡོད་­པ་­དང། འཐུས་­མི་­རྣམ་­པའི་­དུས་­ཡུན་­ལོ་­གསུམ་­རེ་­ཡིན་­པ་­མ་­ཟད་­དོ་­བདག་­ནས་­མོས་­མཐུན་­ཡོད་­ཚེ་­བསྐྱར་­འདེམས་­བྱས་­ཆོག་­པ་­ཡིན། བོད་­ལྗོངས་­མང་­གཙོའི་­དུས་­དྲན་­གོང་­ནས་­མི་­འཐུས་­ཁག་­གཏན་­འབེབས་­ཟིན་­དགོས་­པ་­དང་­དུས་­དྲན་­གྱི་­ཉིན་­མི་­འཐུས་­གསར་­པ་­རྣམས་­མང་­ཚོགས་­ལ་­ངོ་­སྤྲོད་­ཞུས་­པ་­དང་­བཀྲ་­ཤིས་­མཇལ་­དར་­བཅས་­འབུལ་­སྲོལ་­ཡོད་­པ་­རེད། འོས་­འདེམས་­བྱས་­པའི་­མི་­འཐུས་­ནང་­ནས་­མི་­མང་­གི་­ཚོགས་­གཙོ་­དང་­ཚོགས་­གཞོན་­དེ་­བཞིན་­རྒྱུན་­ལས་­ཁག་­བཅས་­པ་­མི་­འཐུས་­ནང་­ཁུངས་­ནས་­འོས་­འདེམས་­གནང་­གི་­ཡོད། ལོ་­དུས་­གསུམ་­རིང་­མི་­འཐུས་­རྣམ་­པ་­མི་­མང་­གི་­སྒྲིག་­གཞི་­གཞིར་­བཟུང་­ཟླ་­རེར་­ས་­གནས་­མི་­མང་­གི་­ལས་­ཁུངས་­སམ་­ཚོགས་­ཁང་­ནང་­ཚོགས་­འཛོམས་­ཀྱི་­ས་­གནས་­ཀྱི་­འཛིན་­སྐྱོང་­དང་­ཁྲིམས་­བཟོའི་­ལས་­འགན་­དུས་­ཀྱི་­དགོས་­མཁོར་­གཞིགས་­ཏེ་­གྲུབ་­ཀྱི་­ཡོད། ཕྱི་­ཟླ་­གཉིས་­པ་­དང་­ཕྱི་­ཟླ་­དགུ་­པའི་­ནང་­ས་­གནས་­འཐུས་­མིའི་­ཚོགས་­འདུའི་­ཚོགས་­འདུ་­འཚོག་­བཞིན་­ཡོད་­པ་­རེད། ྋསྤྱི་­ནོར་­ྋགོང་­ས་­ྋསྐྱབས་­མགོན་­ཆེན་­པོ་­མཆོག་­གི་­བཀའ་­སློབ་­ལམ་­སྟོན་­དང་­རང་­གཞུང་­གི་­ཕེབས་­སྒོ་­ཁག དེ་­བཞིན་­མི་­མང་­གི་­ལོ་­རེའི་­དུས་­དྲན་­དང་­དུས་­ཆེན་­གལ་­ཆེ་­ཁག་­གི་­བྱ་­སྒོ་­རྣམ་­གཞག་­བཅས་­པར་­ས་­གནས་­ཚོགས་­ཆུང་­ཁག་­གི་­མི་­འཐུས་­རྣམས་­ནས་­འགན་­འཁུར་­དང་­ལས་­བགོས་­སོགས་­རྒྱབ་­ནས་­ས་­གནས་­སོ་­སོའི་­མི་­མང་­ནས་­སུད་­སི་­དང་­ལེཀ་­ཊེན་­སྤྲཡན་­བོད་­རིགས་­མི་­མང་­གི་­སྒྲིག་­འཛུགས་­འདིའི་­འོག་­གུང་­བུ་­གཅིག་­བསྒྲིལ་­གྱི་­ལས་­དོན་­དུ་­ཞུགས་­ཀྱི་­ཡོད་­པ་­རེད།

རྒྱས་­པ་­མི་­མང་­གི་­ལོ་­རྒྱུས་­ནང་­གཟིགས་­གནང་­ཞུ།།

གཤམ་­དུ་­ཚོགས་­ཆུང་­ཁག་­གི་­མཚན་­དང་­མི་­འབོར་­གྲངས་­ ཕྱི་­ལོ ༢༠༡༠ ཟླ་­བ་­༡༢ ཚེས ༡༠ བར༌ཁ་­གསལ་­བཀོད་­ཡོད།