བོད་­ཀྱི་­ལོ་­གསར།

ལོ་­སྔ་­མ་­རྫོགས་­ནས་­ལོ་­རྗེས་­མའི་­འགོ་­ཚུགས་­པ་­ལ་­ཟེར་­ཞིང། དེ་­ཡང་­ལོ་­འགོ་­འཛིན་­ཚུལ་­མི་­འདྲ་­བའི་­དབང་­གིས་­ལོ་­གསར་­ལ་­ཡང་­ཡུལ་­སྲོལ་­མི་­འདྲ་­བ་­སྣ་­ཚོགས་­བྱུང་­། དེ་­ཡི་­ནང་­ནས་­དེ་­སང་­བོད་­ལ་­ཧོར་­ཟླ་­དང་­པོ་­ལ་­བོད་­ཀྱི་­ལོ་­གསར་­བྱེད་­པ་­དང་­ཟླ་­བ་­དང་­པོ་­ནས་­བཅུ་­གཉིས་­པའི་­བར་­ལ་­བོད་­ཟླ་­ཞེས་­མི་­བརྗོད་­པར་­ཧོར་­ཟླ་­ཞེས་­བརྗོད་­པའི་­རྒྱུ་­མཚན་­ནི། ཡོན་­རྒྱལ་­རབས་­ཀྱི་­རྒྱལ་­པོ་­ཇིང་­གེར་­ཧན་­གྱིས་­རབ་­བྱུང་­བཞི་­པའི་­མེ་­བྱ་­ཕྱི་­ལོ་­ ༡༢༡༦ རྒྱ་­རྩིས་­དཔྱིད་­ཟླ་­ར་­བ་­སྟག་­གི་­ཟླ་­བ་­སྟེ་­ཟླ་­བ་­བཅུ་­གཅིག་­པའི་­ཡར་­ངོའི་­ཚེས་­བཅོ་­བརྒྱད་­ལ་­མི་­ཉག་­གི་­ཡུལ་­དུ་­དམག་­དྲངས་­ནས་­རབ་­བྱུང་­བཞི་­པའི་­མེ་­ཕག་­ཕྱི་­ལོ་­ ༡༢༢༧ ལོའི་­རྒྱ་­རྩིས་­དཔྱིད་­ཐ་­འབྲུག་­གི་­ཟླ་­བ་­སྟེ་­ཟླ་­བ་­གསུམ་­པའི་­ནང་­མི་­ཉག་­གི་­ཡུལ་­ཡོངས་­རྫོགས་­མངའ་­འོག་­ཏུ་­བསྡུས་­ནས་­དགའ་­སྟོན་­རྟེན་­འབྲེལ་­བྱས་­པ་­དེ་­ལ་­ལོ་­གསར་­དུ་­རྩིས་­ཏེ་­ལོ་­འགོ་­བསྒྱུར་­བ་­དེ་­ནས་­བཟུང་­ཧོར་­ཡུལ་­དུ་­ལོ་­འགོ་­དེ་­ལ་­ལོ་­གསར་­གཏོང་­སྲོལ་­བྱུང་­ཞིང། བོད་­དུ་­ས་­སྐྱས་­དབང་­བསྒྱུར་­བྱེད་­པ་­ནས་­ཧོར་­ལུགས་­ཀྱི་­སྲོལ་­ལྟར་­ལོ་­ཟླ་­རྩི་­དགོས་­པའི་­བཀའ་­ཕབ་­སྟེ་­རྒྱ་­རྩིས་­ཀྱི་­ཟླ་­བ་­གསུམ་­པར་­བོད་­ལོ་­གསར་­གཏོང་­སྲོལ་­བྱུང་­བ་­ཡིན། ཞར་­བྱུང་­བོད་­དུ་­ལོ་­འགོ་­འཛིན་­ཚུལ་­མི་­འདྲ་­བ་­དགུ་­ཡོད་­སྐོར། ཧོར་­ཟླ་­དང་­པོ། ཧོར་­ལུགས། ནག་­རྩིས་­ཁག་­ཅིག གསོ་­དཔྱད་­པ། ཧོར་­ཟླ་­གཉིས་­པ། མདོ་­ཉི་­མའི་­སྙིང་­པོ་­སོགས་­ཀྱི་­ལུགས། ཧོར་­ཟླ་­གསུམ་­པ། མདོ་­གསེར་­འོད་­དམ་­པ། ཕུགས་­ལུགས། དུས་­འཁོར། ཧོར་­ཟླ་­བརྒྱད་­པ། མཆིམས་­ནམ་­མཁའ་­གྲགས་­པ་­སོཊ་­འདུལ་­འཛིན་­སྔོན་­མ། ཧོར་­ཟླ་­དགུ་­པ། པཎ་­ཆེན་­ཤཱཀྱའི་­ཤྲི་­སོགས་­འདུལ་­འཛིན་­ཁག་­ཅིག ཧོར་­ཟླ་­བཅུ་­པ། རྗེ་­ཙོང་­ཁ་­པ་­སོགས་­འདུལ་­འཛིན་­ཕྱི་­མ། ཧོར་­ཟླ་­བཅུ་­གཅིག་­པ། ཁྱུང་­ནག་­དང་­ཕུག་­པ་­དཔལ་­མགོན། ཧོར་­ཟླ་­བཅུ་­གཉིསཔ། མཁའ་­འགྲོ་­རྒྱ་­མཚོའི་­རྒྱུད། ནག་­རྩིས་­ཐོར་­བུ་­བཅས་­འདོད་­ཚུལ་­མི་­འདྲ་­བ་­ཡོད་­ཀྱང་­། བོད་­དབུས་­གཙང་­སོགས་­ས་­ཁུལ་­མང་­ཆེ་­བར་­ཧོར་­ཟླ་­དང་­པོ་­ལ་­ལོ་­འགོ་­བཟུང་­ནས་­ལོ་­གསར་­གཏོང་­སྲོལ་­ཡོད།

སྤྱིར་­བཏང་­བོད་­དབུས་­ཁུལ་­གྱི་­མི་­དམངས་­ཚོས་­རང་­རང་­འཁོས་­སྦྱོར་­ལ་­གཞིགས་­ཏེ་­བོད་­ ༡༢་­པ་­ནས་­བཟུང་­ལོ་­གསར་­གྱི་­ཉེར་­མཁོའི་­སྟ་­གོན་­རིམ་­བཞིན་­བྱེད་­འགོ་­ཚུགས་­ཏེ་­ཤ་­མར་­འབྲུ་­སྣུམ་­སོགས་­ལོ་­གསར་­གྱི་­ཉེར་­མཁོ་­དང་­། གཟབ་­སྤྲོས་­གྱོན་­ཆས་­སྣ་­ཚོགས། སྡེར་­ཁའི་­ཁ་­ཟས་­དང་­། ལུག་­མགོ། ལོ་­ཕུད། ཕྱེ་­མར་­གྱི་­རྩིབས་­སྒྲོ་­དང་­ལོ་­གསར་­མེ་­ཏོག་­སོགས་­གྲོ་­སོ་­ཕྱེ་­མར་­གྱི་­ཡོ་­ཆས། ཁང་­པའི་­དར་­ལྕོག་­དང་­། དར་­ཤིང་­། ཤམ་­བུ་­སོགས་­ཉོས་­སྒྲུབ་­བྱེད་­པ་­དང། ཆང་­བཙོ་­བ་­དང་­། སྦོ་­ལུག་­དང་­ཁུར་­བ་­སོགས་­ཁ་­ཟས་­སྣ་­ཚོགས་­འགར་­བ་­མ་­ཟད། ཁྱིམ་­ཚང་­སོ་­སོའི་­ཐབ་­ཚང་­གིས་­གཙོས་­ཁང་­པའི་­ཕྱི་­ནང་­གི་­དུ་­བ་­དང་­ཐལ་­བ་­རྣམས་­གཙང་­མར་­འཕྱག་­པ་­སོཊ་­ལོ་­གསར་­གྱི་­སྟ་­གོན་­བྱེད་­ཅིང། བོད་­ཟླ་­ ༡༢ ཚེས་­ ༢༩ གྱི་­དགོང་­མོ་­དགུ་­ཐུག་­མ་­ཐུང་­གོང་­ཁྱིམ་­མི་­ཚང་­མར་­སྤགས་­གོང་­ཆུང་­ངུ་­རེ་­སྤྲད་­ནས་­དེས་­མི་­སོ་­སོའི་­གཟུགས་­པོའི་­སྟོད་­སྨད་­ཚང་­མར་­ཕུར་­སྟེ་­ལོ་­གཅིག་­ཟླ་­བ་­བཅུང་­གཉིས་­ཞག་­མ་­སུམ་­བརགྱ་­དྲུག་­ཅུའི་­གེགས་­བར་­ཚང་­མ་­སེལ་­བའི་­སྨོན་­ལམ་­བཏབ་­རྗེས་­དྲི་­གླུད་­བཟོས་­ནས་­རྫ་­ཁོག་­ཆག་­དུམ་­ཞིག་­ནང་­བླུགས་­པ་­དང་­། དེ་­རྗེས་­ས་­སྲོད་­ཙམ་­ལ་­དགུ་­ཐུག་­འཐུང་­འགོ་­ཚུགས། དགུ་­ཐུག་­ཅེས་­པ་­ཐུག་­བག་­ཐུག་­ནང་­ཟས་­སྣ་­སྣེ་­གྲངས་­དགུ་­འཛོམས་­དགོས་­པའི་­ཐོག་­བག་­ཐུང་­ཅུང་­ཆེ་­བ་­ཁག་­ཅིག་­ནང་­སུར་­པན་­དང་­། སོལ་­བ། དཀར་­ཡོལ། ཚྭ། བལ། སྤོས་­སོཊ་­བླུགས་­པ་­དང་­དེ་­བཞིན་­ཉི་­ཟླ་­བཅས་­ཀྱི་­དབྱིབས་­བཟོས་­ཏེ་­དེ་­རྣམས་­སུའི་­ཕོར་­པའི་­ནང་­ནས་­ཐོན་­རུང་­། ཕན་­ཚུན་­དབར་­དེ་­དག་­གི་­མཚོན་­བྱེད་­གང་­ཡིན་­འགྲེལ་­བཤད་­བརྒྱབ་­ནས་­ཚང་­མ་­བཞད་­བགད་­ལིང་­ངེར་­གྱུར་­ཞིང་­།

མེ་­རེས་­དགུ་­ཐུག་­ཕོར་­པ་­དགུ་­རེ་­འཐུང་­དགོས་­ས་­ཕོར་­པ་­དགུ་­མ་­ལོན་­པར་­ཁུ་­བ་­ཐིག་­པ་­རེས་­ཕོར་­པ་­རེའི་­ཚབ་­བྱས་­ཏེ་­གོང་­གསལ་­དྲི་­གླུད་­བླུགས་­སྣོད་­རྫ་­ཁོག་­ཆག་­དུམ་­དེའི་­ནང་­དཀར་­ཡོལ་­ནང་­གི་­ཐུག་­པ་­འཐུང་­འཕྲོས་­རྣམས་­ཀྱང་­བླུགས་­ཐོག ད་­དུང་­སྦང་­མ་­དང་­ཇ་­རོ་­བླུགས་­ནས་­རྫ་­ཁོག་­ཆག་­དུམ་­དེ་­བུ་­མོ་­ཞིག་­གིས་­འཁྱེར་­བ་­དང་­། བུ་­ཞིག་­གིས་­སོག་­མ་­ཆགས་­པ་­ཞིག་­ལ་­མ་­སྤར་­ཏེ་­ཁང་­པ་­ཚང་­མར་­མེ་­ཡུལ་­བརྒྱབ་­ནས་­མར་­དོན་­ཤོག་­ཅེས་­གདོན་­འདྲེ་­ཕྱིར་­འབུད་­བྱེད་­པའི་­ངར་­སྒྲ་­སྒྲོག་­བཞིན་­དུ་­སོ་­སོའི་­ཁྱིམ་­ཚང་­ཉེ་­འཁོར་­གྱི་­ལམ་­མདོ་­ཞིག་­ཏུ་­བསྐྱལ་­ཏེ་­དེའི་­མཇུག་­མེ་­འདའ་­བོད་­མདའམ་­ཤོག་­སྤག་­བརྒྱབ་­ནས་­འདོན་­འགེགས་­སྐྲད་­པའི་­ཚུལ་­བྱེད་­སྲོད་­ཡོད། བོད་­ཚེས ༣༠ གནམ་­གང་­ཉིན་­སྟ་­གོན་­གཙོ་­བོར་­གྲོ་­སེ་­ཕྱེ་­མར་­དང། ཁ་­ཟས་­སྡེར་­ཁ། ལུག་­མགོ། ལོ་­ཕུད། ཆང་­ཕུད། གྲོ་­མ་­འབྲས་­བསིལ། ཇ། མར། ཚྭ། ཞལ་­ཟས། ཤིང་­འབྲས། ཐུད། བུ་­རམ། ཤེལ་­དཀར་­རྟ་­སོ་­མ། བྱི་­རིལ། གཞན་­ཡང་­ཡུལ་­ཐོན་­བཟའ་­བཅའ་­བྱེ་­བྲག་­སྣ་­ཚོགས་­སྡེར་­མའི་­ནང་­བླུགས་­ཏེ་­མཆོད་­གཤོམ་­མདུན་­སྒྲིག་­གཤོམ་­གཟབ་­རྒྱས་­བྱེད་­པ་­དང། མཆོད་­གཤོམདང་­སྐུ་­ཐང་­ལ་­སྙན་­ཤལ་­སྒྲོན་­པ། ཐབ་­ཚང་­གི་­རྩིག་­ལྡེབས་­སུ་­གྲོ་­ཕྱེའི་­དཀར་­ཐིག་­ཡས་­སྒྲོན་­དང་­བཀྲ་­ཤིས་­རྟགས་­བརྒྱད་­སོགས་­ཀྱི་­རི་­མོས་­རྣམ་­པར་­བརྒྱན་­པ། ཆུ་­ཟངས་­དང་­ཆུ་­བན་­རྫ་­མ་­སོག་­བཅུས་­ཀྱིས་­གཏམས་­པའི་­སྣོད་­ལ་­ཁ་­བཏགས་­དཀྲི་­བ། ཁང་­པའི་­ནང་­གི་­གདུང་­ཁེབས་­དང་­སྒོ་­སྒེའུ་­ཁུང་­སོགས་­ཀྱི་­ཤམ་­བུ་­གསར་­དུ་­བརྗེ་­བ། སྒོ་­རའི་­ཕྱི་­ནང་­དང་­ཁང་­པའི་­མདོ་­སྦུག་­གང་­སར་­གད་­འཕྱིས་­ལེགས་­པར་­བྱས་­ཐོག་­གདན་­ལྕོག་­སོགས་­རྒྱས་­སྤྲོས་­ཅི་­ཆེ་­དང་­། ཐབ་­ཚང་­གི་­རྩིག་­ལྡེབས་­སུ་­གྲོ་­ཞིབ་­ཀྱི་­དཀར་­རྟགས་­ཞེས་­བཀྲ་­ཤི་­རི་­མོ་­དང་­ཐབ་­ཀྱི་­ཐོད་­དུ་­ཀླུ་­མོ་­མཚོན་­བྱེད་­སྡིག་­རའི་­གཟུགས་­འབྲི་­བ། རྒྱལ་­སྒོའི་­མདུན་­ནས་­དཀར་­ཐིག་­འཐེན་­ཏེ་­སྣེ་­རྫོགས་­མཚམས་­གཡས་­གཡོན་­གཉིས་­ལ་­ཁྱི་­སྣ་­རྒྱག་­པ་­དང་­།

དཀར་­ཐིག་­གི་­དཀྱིལ་­དུ་­མི་­འགྱུར་­རྟག་­ཏུ་­བརྟན་­པའི་­གཡུང་­དྲུང་­གི་­རི་­མོ་­འབྲི་­བ། རྒྱས་­པར་­བཀྲིས་­རྟགས་­བརྒྱད་­འབྲི་­སྲོལ་­ཡོད། བོད་­ཟླ་­ ༡ ཚེས་­ ༡ དེ་­སྔ་­བོད་­ལ་­ལུགས་­སྲོལ་­ལོ་­གསར་­མཛད་­སྒོ་­ཉིན་­གསུམ་­སྟེ་­ཚེས་­གཅིག་­ཉིན་­བླ་­མའི་­ལོ་­གསར་­དང། ཚེས་­གཉིས་­ཉིན་­རྒྱལ་­པོའི་­ལོ་­གསར། ཚེས་­གསུམ་­ཉིན་­གཟབ་­གསོལ་­གྲོལ་­སྟོན་­མཛད་­སྒོ་­བཅས་­དང་­། གོང་­གསལ་­ཚེས་­ ༡ ནས་­་­ ༣ བར་­ཆ་­ཚང་­གཞུང་­འབྲེལ་­མཛད་­སྒོ་­ཡིན། མང་­ཚོགས་­ནས་­ལོ་­གསར་­གྱི་­སྔ་­ནུབ་­ཏུ་­རྟེན་­འབྲེལགྱི་­སྟ་­གོན་­ཁག་­ལེགས་­པར་­ཟིན་­རྗེས། ཚེས་­གཉིས་­སམ་­གསུམ་­ཉིན་­གྱི་­ལྷ་­གསོལ་­སྐབས་­་­འཛུགས་­རྒྱུའི་­ཁམ་­མཐུན་­དར་­ལྕོག་­སོགས་­སྔོན་­ཚུད་­གྲ་­སྒྲིག་­བྱས་­མཐར་­ཚེས་­གཅིག་­ཉིན་­གྱི་­ཁོགས་­པ་­མི་­རྣམས་­སྔ་­ལངས་­ཀྱིས་­གྱོན་­ཆས་­གཟབ་­མཆོར་­གང་­ཡོད་­མནམས་­ཏེ་­དུས་­ཚང་­སོ་­སོ་­སན་­གཙང་­པོའི་­འགྲམ་­དུ་­བུ་­བསང་­གཏོང་­བ་­དང། དཀར་­སྤྲོ་­རྒྱག་­པ། ཆུ་­ཕུས་­ལེན་­པ། སྡོད་­ཁང་­དུ་­གསོལ་­ཇ་­དང་­། གྲོ་­འབྲས། ཕྱེ་­མར། ཆང་­ཕུད། གྲོ་­ཐུག ཆང་­སྐོལ། ཁ་­ཟས་­བཅས་­མཆོད་­བཞེས་­ཀྱི་­རྟེན་­འབྲེལ་­བྱེད་­རིང་­འབྲས་­དཀར་­འབྱོར་­ན་­ཁ་­བཏགས་­གཡོགས་­པ་­དང་­། དཀར་­སྤྲོ་­ལྔ་­སྡེར་­སོགས་­ཟས་­སྣའི་­རིག་­གྱ་­ནོམ་­སྤྲོད་­པ། དེ་­ནས་­གཙུག་­ལག་­ཁང་­ཡས་­མས་­སུ་­མཆོད་­མཇལ་­དུ་­འགྲོ་­བ། ནམ་­ལངས་­མཚམས་­གྲོང་­པ་­ཕན་­ཚུན་­ཕྱེ་­མར་­ཆང་­ཕུད་­བསྐོར་­རེས་­ཐོག་­དེ་­ཉིན་­རང་­ཁྱིམ་­སོ་­སོར་­སྤྲོད་­བྱེད་­པ་­ལས་­ཤ་­མོག་­ཟ་­བ་­དང་­།ཁ་­རྩོད་­རྒྱག་­པ། ཕན་­ཚུན་­མགྲོན་­བསྐྱོད་­སོགས་­བྱེད་­སྲོལ་­མེད། ཚེས་­གཉིས་­ཉིན་­ནམ་­ཟླ་­འགོའི་­གཟའ་­ཚེས་­བཟང་­བ་­ཞིག་­གི་­སྔ་­དྲོ་­སྒོ་­ར་­སོ་­སོའི་­ཐོག་­སྟེང་­དུ་­ཁམས་­མཐུན་­དར་­ལྕོག་­འཛུགས་­པ་­དང་­། བསངས་­གཏོང་­བ། ལྷ་­རྒྱལ་­འཐེན་­པ། རྣམ་­ཐར་­གཏོང་­བ།མི་­རྣམས་­མཉམ་­འཛོམས་­ཀྱིས་­དུད་­ཚང་­སོ་­སོའི་­ཁ་­ཟས་­དང་­ཆང་­བཅས་­མཉམ་­དུ་­སྤྱད་­ནས་­ར་­རོས་­སྤྲོ་­བའི་­རྣམ་­པ་­ཅི་­རིགས་­ཀྱི་­ངང་­ནས་­གྲོལ།མང་­ཚོགསཀྱི་­གསར་­ཉིན་­གྲངས་­ནི་­རང་­རང་­འཁོས་­འབྱོར་­ལ་­གཞིགས་­པ་­ལས་­མཐའ་­གཅིག་­ཏུ་­ངེས་­པ་­མེད།

« ཕྱིར་ལོག